كتبت/ دينا مصطفى
كشف مؤدي المهرجانات حمو بيكا تطورات حالته الصحية، بعد الوعكة الصحية التي تعرض لها مؤخرًا.
حيث تعرض مؤدى المهرجانات لعدد من التعليقات التي تتنمر عليه وأخرى بالدعاء له.
وقال حمو بيكا، عبر حسابه على فيس بوك:”أنا بجد حابب أشكركم على دعواتكم ليا في مرضي ووقفتكم معايا دي،️ بجد أنا بحبكم جداً من كل قلبي، أنا بيكم مكمل وهكمل لآخر نفس فيا”.وتابع:”أنا الحمد لله بقيت أحسن بكتير وادعولي ربنا يفكها عليا وأقدر أسعدكم كمان وكمان، دمتم سند وضهر ليا”.
وأضاف:”حابب أوجه رسالة للناس اللي مش بتحبني وكانت شمتانة وبتتنمر عليا، أنا برضه بحبكم وهفضل شايلكم على دماغي من فوق، وربنا ما يجعل عندكم أي مرض وأي حاجة وحشه أبداً ويديكم على قد نيتكم وقلبكم يارب ويديكم كل الرزق”.
والجدير بالذكر أيضا أن الإعلامية بسمة وهبة كشفت حقيقة إصابة مؤدي المهرجانات حمو بيكا، بمرض نادر من خلال مقطع فيديو عبر حسابها بموقع تبادل الصور والفيديوهات الشهير “إنستجرام” قائلة:”على فكرة يا جماعة موضوع حمو بيكا ده شهادة حق حقيقي”.
وتابعت:”وقت خلاف حسن شاكوش وحمو بيكا استضفت شاكوش، وسألته هل فعلا حمو بيأخذ حقن غالية، رد وقال حمو بيكا مش بيدعي وحقيقي تعبان وربنا يعفي عنه”.
كما أن أيضًا الفترة السابقة نشر مؤدي المهرجانات حمو بيكا، مقطع فيديو عبر صفحته على موقع التواصل الاجتماعي فيسبوك، يرد فيه على حالة التنمر التى يتعرض لها بعد أزمته الصحية، قائلاً:“لما ربنا ياخدني هستريح، أحسن ما أعيش مش عارف أخد حقي، بلاش تتنمر على الناس، استفادتوا إيه لما بتتنمروا عليا، مش بقول غير حسبي الله ونعم الوكيل في كل واحد قال عني كلمة وحشة، ربنا يهديك لنفسك، لأن اللي عندك ده مرض”.
