كتبت: نورا أحمد
نشر نجم الجيل تامر حسني مجموعة صور من خلال صفحته الرسمية عبر موقع تبادل الصور والفيديوهات “إنستجرام” من كواليس فيلمه الجديد الذي بدء تصويره منذ يومين.
وعلق تامر على الصور قائلًا “دي صور من اول يومين تصوير لفيلمنا الجديد (بحبك) طبعا في ناس هتقري الاسم (بحبِك) وناس هتقراه (بحبَك) وده المقصود عشان في دراما الفيلم هنبحث طول الوقت عن مدى صدق كلمه بحبك من الراجل للانثي وبحبك من الانثي للرجل في احداث محيره جدًا”.
وأضاف “الفيلم اكيد فيه ضحك بس في إطار رومانسي بحت مش موجود بقاله كتير، واتشرفت بوجود نجمه اليوم والمستقبل الجميله هنا الزاهد ومبسوط اني اول من اكتشفها في بداية حياتها وفي الفيلم ده بكتشفها تاني وبقدمها بشكل جديد، ومبسوط بمشاركة حبيب قلبي نجم الكوميديا حمدي الميرغني”.
وتابع “انتظروا بعد أيام انضمام نجمه جميله مميزه من نجوم المستقبل الي هيكون ليها مستقبل كبير ان شاء الله، وفرحان جدا بانضمام الفنان الموهوب مدحت إسماعيل”.
وتفاعل مع البوست عدد كبير من الفنانين منهم زوجته بسمة بوسيل وهنا الزاهد وبدرية طلبة وحمدي الميرغني.
وعلقت هنا الزاهد قائله “انا الي مبسوطه جدا والله وشكرا علي كل تفصيله بتقولهالي وعلي تعبك ومجهودك كمخرج وممثل في نفس الوقت وان شاء الله ربنا يكرمنا ويرزقنا يارب”.
وفي سياق اخر علق حمدي الميرغني وكتب “ده شرف ليا وحاجه كنت بتمناها والله اني امثل معاك من زمان لاني واحد من جمهورك من قبل اني اتشرف واشارك معاك ف الفيلم وان شاء الله نوعد الناس بفيلم هايكسر الدنيا”.
الفيلم بطولة واخراج تامر حسني ويشاركه البطوله هنا الزاهد ومجموعة من الفنانين مثل حمدي الميرغني ومدحت إسماعيل ومن إنتاج أحمد بدوي وحسام حسني وأحمد الدسوقي.
ويذكر أن آخر أعمال تامر حسني فيلم “مش انا” الذي حقق إيرادات كبيرة جدا في جميع الوطن العربي وحصل على افضل فيلم لعام 2021 وكانت تشاركه بطولة هذا الفيلم الفنانه حلا شيحه والفنانة سوسن بدر والفنان ماجد الكدواني.
والجدير بالذكر ان اخر اعمال هنا الزاهد مسلسل “انا وهي” الذي تم عرضه منذ فترة قصيرة وحقق نجاح كبير وكان يشاركها البطولة الفنان احمد حاتم.
