كتبت: آية يوسف
هو مطرب وملحن وموزع موسيقي كما شارك في فيلمين من أفلام السينما، وقدم الألحان، إلى الكثير من المغنين العرب منهم عمرو دياب، وديانا حداد، وحماده هلال، ومصطفى كامل، وسميرة سعيد، ومحمد منير وفي ألبوم من أول لمسة والتي لقت نجاحاً جيداً مثل وهي عاملة أيه دلوقتي ل عمرو دياب، والأيام ل حمادة هلال.
حل الفنان عصام كاريكا، ضيفًا في برنامج “كلام الناس” الذي تقدمه الإعلامية ياسمين عز، على قناة mbc مصر.
ومن أبرز تصريحاته:
“أنا مش مخبي أولادي، بس بحب أفصل حياتي الأسرية عن حياتي الفنية”.
“بعدت عن التمثيل لأني ملقتش نفسي فيه، عملت فيلم “عايز حقي” زمان وكان ليا تجربة في مسلسل في الخليج، إسمه “حواكة بونت”.
“حمو بيكا، بيقول على نفسه مش مغني وأما دخل إمتحانات النقابة منجحش ف هييدوك الكارنية لية”.
“قرار الوقف، أستاذ هاني موقفش هو قال في ناس كتير مش بتشتغل عندنا بدليل في واحد إسمه سلطان وواحد إسمه عناب دول نجحوا.
“نصيحتي لحمو بيكا، إنه يطور من نفسه ويجتهد عشان يبقى عضو كويس في النقابة”.
“كاظم الساهر وجورج وسوف، أفضل من عمرو دياب، وهيفاء وهبي، ليست مطربة واستغلت جمالها”.
“أول مرة أبقى تريند بعيداً عن الفن والغناء، ودي سنة الحياة أن الأولاد يكبروا ويتجوزوا”.
“بنتي أول إمبارح كنت حاسس إنها صغيرة، وأنا هربت من عريس بنتي بتاع أسبوع، وفي الاخر قعدت معاه وطلع إنسان جميل وإبن ناس”.
أضاف: “ونصحتة قلتلة أن مي، دي عندي في حتة تانية خالص، أهم حاجة متزعلهاش، ولو زعلتها أنا هزعل”.
“لأني ملحن مش بطمع في حاجة حد بعرف أعمل شكلي وأعرف أعمل أغاني تليق بيا، انا مقتنع أن أسمى يتحط في حاجة ناجحة أفضل”.
“المهرجانات زمان كانت تورتة بياكل منها ٥،٤ دلوقتي بيأكل منها ٢٥٠ ناس كتير تلاشت، والشاطر اللي بيفكر إنه يجرب كذا الناس، تحب ده في نوع جديد اسمه “تراب” ومنهم ويجز، هو كويس جداً.
“المطرب دلوقتي بقي رقم، الفنان بقى رقم، الناس بتطلبك عشان تعمل إعلان فأنت رايح بقيمتك، في فيقولك أنت عامل أرقام أي على “اليوتيوب” فالرقم يكون ضعيف فيقولك حددة كذا، فأصبح الفنان رقم”.
“أنا ممكن الفيديو بتاعي يشوفة عشرة مليون بس فعلاً هما عشرة مليون مشاهدة بتعليقاتهم مفيش بينهم نسبة وتناسب”.
“هاني شاكر، قيمة كبيرة في مصر، عندنا في عيب صغير بيبقى عندك قيمة كبيرة تلاقي الناس بتحاول تهد القيمة دي”.
” زعلت زمان لما هاجموا أحمد عدوية، لأنه قيمة وهاني شاكر، قيمة وعلى الحجار، ومحمد منير، نفرح اننا عندنا دول في مصر، منقدرش نهاجمهم”.
“أنا كتبت عتاب للباشمهندس نجيب ساويرس، هاني شاكر، قيمة كبيرة مش هو اللي هينافس حنجرة، وكزبرة، دول فخلينا ندعم هاني شاكر، وفعلاً في نفس اليوم، كل الناس دعمت هاني شاكر، فرد عليا هاني شاكر، وقالي في مطربين كتير معملوش اللي أنت عملتة يا عصام، فقلت له انا هتصل بيهم واتصلت ب فلان، وقلت له لازم نقف مع هاني شاكر، يعني هنقف مع مين غيرة”
“أنا قلت اللي عايز يروح الجونة، يروحها بفلوسة لأنه قال أنا هجيبهم الجونة، يغنوا أنا قلت له هاتهم الجونة براحتك بس هاني شاكر، لازم نوقف وتدافع عنه”.
