بعد ما تعرض له اليوتيوبر التركي كوكسال بابا أثناء زيارته لمصر خلال الأيام القليلة الماضية، من هجوم ومعارضة بسبب أسلوبه وطريقة تعامله مع الجمهور وعصبيته المفرطة.
أعلن مطرب المهرجانات عمر كمال تعاطفه معه وقرر التحدث عنه، وتفسير السبب وراء تصرفاته وعصبيته المفرطة.
ونشر عمر كمال صورة تجمعه مع كوكسال بابا عبر موقع تبادل الصور والفيديوهات “إنستجرام”، وعلق على الصورة: ط”الناس ظالمة الراجل العسل دا، دا راجل ربنا أصطفاه إنه يعيش عنده مرض نادر واللي زيه بيموتوا عند سن معين بس هو ربنا اختاره يعيش”.
وأضاف تفاصيل من حياة كوكسال بابا:”مر بظروف سيئة من فقر وموت أب وأم، وكمان عقله وقف نموه وفهمه عند سن معين، في راجل بعقل طفل”.
وأكمل عن تفاصيل تعامله معه: “صورت معاه 7 أيام في تركيا ولاحظت أنه بيخاف جدا من الزحمة، ومبيحبش اطلاقا التصوير ولا الكاميرا إلا لو واخد عليك ويعرفك”.
وأضاف تفسيرا لعصبيته المفرطة:”مش بيفهم لا عربي ولا إنجليزي ولا أي لغة غير تركي بس، وده بيخليه متعصب لأنه مش فاهمك عايز منه إيه كمان هو عشان في تفكير الطفل الصغير متضمنش رد فعله لأنه مش واعي وطبيعي اللي بيعمله”.
وأختتم حديثه عن كوكسال بابا:”هو مشهور بالنرفزة وطريقة كلامه والمشية بتاعته ورد فعله العصبي، فمحدش ياخد على رد فعله ويحاسبه عليه، كأنك بتتعامل مع طفل صغير أكيد مش هتزعل منه”.
ويذكر أن آخر أعمال عمر كمال كان مهرجان “البنات” بالتعاون مع كوكسال بابا وحققت الأغنية نجاح كبير ولاقت إعجاب الجمهور، وهي غناء وألحان عمر كمال، ومن كلمات عمرو قطب.
