نقد سينمائي

الحكمة في مصباح علاء الدين

في الفيلم الأجنبي “Alaa Eldin” لما علاء الدين طلع الجني من المصباح .. الجني قاله “أتمني ٣ إمنيات، بس متطلبش مني إني أخلي حد يحبك، أو إني أرجعلك حد ميت، وحاول متضيعش أمانيك في الدهب والفلوس، عشان إنت مهما جبتلك منهم مش هايكفوك”.. اللي هو لو أنا مكانه هاقوله أمال أنا جايبك ليه؟! .. بس بغض النظر عن رد فعلي فالـ ٣ جمل دول لخصوا حاجات كتير في النفس البشرية.

متفهمش ليه دايماً الإنسان بيميل للشخص اللي بيتجاهله .. يعني إيه الفكرة في إني دايماً أجري ورا اللي مش بيسأل عليا مع إن اللي بيسأل عليا موجود؟! .. ليه الموضوع يحتاج لجني أصلا؟! .. ما اللي قابلنا علي حالنا ياأهلاً وسهلاً بيه، واللي مش قابلنا بالسلامه والقلب ناسيه.

وليه دايماً الشخص اللي بيموت بيسيب أثر فينا؟! .. يمكن عشان بنبقي عايزينه يسامحنا علي نفس الحاجات اللي بنعملها مع الأحياء علي الأرض ويرزقون .. ما قالوها زمان “الحي أبقي من الميت”.

وليه الإنسان مهما بياخد مبيشبعش؟! .. خلي بالك حتي الفقير اللي راضي باللي هو فيه .. بيقعد يحرب طول حياته علي تحقيق الغنا وعمره ما هيستكفي.

ال٣ جمل دول أثبتوا إن الإنسان دايماً بيدور علي اللي ناقصة .. واللي ناقصة ده عمرة ما بيخلص لانه لما بيخلص بيظهر حاجات تانيه ناقصاه بيبقي عايز يحققها .. عشان كده الجني جابهالة علي بلاطه .. أطلب اللي إنت محتاجة مش اللي ناقصك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
إغلاق