حواراتفن

الطفلة “ريتال ظاظا” إبنة نيللي كريم في مسلسل “فاتن أمل حربي”

ريتال ظاظا” طفلة موهوبة في الحادية عشر من عمرها، تعشق التمثيل والبالية منذ صغرها، كما تهوى الرسم والكتابة، من بين عدد من الأطفال اختارها المخرج “ماندو العدل” لتقديم دور إبنه الفنانة “نيللي كريم” في مسلسلها الجديد “فاتن أمل حربي” والي تشارك به في الموسم الرمضاني المقبل.

وكان لمجلة هافن حوار خاص مع الطفلة “ريتال ظاظا”، تكشف لنا فيه كواليس مشاركتها في مسلسل “فاتن أمل حربي”.

في البداية.. حدثينا عن دورك مسلسل “فاتن أمل حربي”؟

أجسد دور إبنة “نيللي كريم”.

وكيف جاءت مشاركتك في المسلسل؟

عن طريق إعلان خاص بالعدل جروب طلبوا بنات تشبه “نيللي”، وبالتالي بعت صور وفيديوهات ليا، وبعدها بعتولي علشان أعمل أوديشن، وعملت أوديشن مرتين وكان في بنات كتير، وبعدين كنا لسه واصلين دبي، كلموني إنه تم إختياري للدور ولازم أروح بكرا أمضي، ورجعنا مخصوص من دبي علشان الدور.

حدثينا عن كواليس التصوير بينك وبين الفنانة “نيللي كريم” وكرو العمل؟

“نيللي” لذيذة جدًا الصراحة كنا أصحاب وبتحبني جدًا ونيللي كانت على طول بتدعمني، وكتير لما شافوني أنا ونيللي سوا قالوا إن في بينا شبه فعلًا.

“شريف سلامة” كان لذيذ جدًا، و”هالة صدقي” بحبهم كلهم أوي الصراحة وكلهم لذاذ أوي، أستاذة “فادية عبد الغني، محمد ثروت” كانوا كلهم بيحبوني أوي وكويسين معايا.

كيف كانت تجربتك في التمثيل مع المخرج “ماندو العدل”؟

“ماندو” طيب جدًا وبيحبني أوي، لدرجة إنه كان بيقولي نفسي تطلبي حاجة أعملها، ودايمًا بيشجعني.

هل واجهتِ صعوبات في حفظ السيناريو؟

لأ خالص الحمدلله.. لم أواجه أي صعوبات في الحفظ.

حدثينا أكثر عنك؟

ريتال 11 سنة، في الصف السادس، مدرسة الألسن، طبعًا المدرسة شجعتني لما عرفت إني مشاركة في المسلسل ووقفين معايا جدًا، وقالولي تقدري تحضري أونلاين الحاجات اللي بتفوتك تعمليها، والأيام اللي مافيهاش تصوير بروح المدرسة.

ومن مكتشف موهبتك الفنية؟

ماما وبابا وعيلتي، من وأنا عندي 5 سنين كنت دايمًا بحب إني أقلد وأمثل مشاهد.

من الفنان/ة التي تتمني العمل معاهم؟

بحب جدًا جدًا “دنيا سمير غانم، إيمي سمير غانم” بعشقهم وعلى طول بعمل تيك توك بتاعهم، وبحب “نيللي” جدًا؛ لأن أنا بردو بلعب بالية فبالنسبة لي “نيللي” الباليرينة بتاعتي، وبحب أوي “حمدي المرغني”.

من أكثر الداعمين لكِ؟

مامتي ووالدي والعيلة كلها، مكتشفين موهبتي من وأنا صغيرة.

هل لديك موهبة آخرى بجانب التمثيل؟

بعشق الرسم، وخاصة رسم “الفاشون”، بحب أقص حاجات وأعمل لبس لألعابي أو ليا، وعلى طول بمثل وبرقص البالية، وبحب التأليف جدًا وبألف حاجات كتير.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!