سوشيال ميديا

رحمة أحمد: “لو أتحطيت في مقارنة مع دنيا سمير غانم هكون خسرانة”

نشرت الفنانة رحمة أحمد الشهيرة بـ لقب “مربوحة” عبر حسابها الرسمي على موقع التواصل الاجتماعي “فيسبوك” منشور توضح فيه 3 نقاط هامة، عقب تصدرها الـ “تريند”

وذلك بالتزامن مع عرض حلقتها مع الفنان أحمد مكي من مسلسل الكبير أوي ج 6 التي لقت ردود أفعال إيجابية من قبل الجمهور بسبب خفة ظلها، ونشرت رحمة صور تتضمن إشادات واسعة من فنانين مثل أحمد أمين، نشوى مصطفى

بالإضافة إلى صورة من كواليس برنامج “أمين وشركاؤه” وصورة للمخرج حسن الجندي وكتبت: “انا مش عارفة أعبر أن إحساسي بالامتنان ..الحمدلله والشكر لله أي حاجة حلوة حصلت أو اتقالتلي ده كرم كبير اوي من ربنا يمكن اكبر من اللي استحقه.. عاوزة اقول ٣ نقط”

وتابعت: “الأولي وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد…انا مش حد خالص …انا من فانز دنيا سمير غانم..لان لو اتحطينا في مقارنة من المؤكد اني انا اللي هبقى خسرانة”

وأضافت: “الثانية .. بعد توفيق ربنا .. ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا انسانيا ..
المبدع أحمد الجندي ميتخيرش عنه… يسيبك تقول..ويعليك..ويركبلك شغل ..وذكي يعرف يطلع ضحك من اي شخصية ويحطها في مكانها الصح”

كمان توجهت بالشكر لـ أحمد أمين وقالت: “الثالثة.. ليك انت يا حبيب قلبي..اخويا الكبير الداعم المستمر بكل الطرق…صادق في فرحته ..انا مهما حكيت عاللي عملته معايا عشان اوصل اني ابقا في عمل من اهم الاعمال في رمضان مش هكفي فيك كلام….شكرا أحمد أمين الاخ والفنان والانسان انك دايما جنبي”

واختتمت حديثها: “احمد امين..احمد مكي..احمد الجندي.. انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو، وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة..شكرا لاي حد وقف جنبي واللي اداني ضهره وربنا لاوريك”.

الجدير بالذكر أن رحمة أحمد ممثلة مسرح شاركت في العديد من الأعمال المسرحية الناجحة مثل مسرحية ديجافو ومسرحية خالي ورد، كما جذبت أنظار الجمهور إليها في برنامج “أمين وشاركؤه” مع أحمد أمين

وتفوقت على نفسها في الجزء السادس من مسلسل الكبير أوي التي جسدت فيها شخصية “مربوحة” وهي الفتاة التي تزوجها الكبير حتى ترعى أولادة بعد غياب “هدية”.

مسلسل الكبير ج 6 من بطولة أحمد مكي، محمد سلام، بيومي فؤاد، هشام إسماعيل، مصطفى غريب، سماء إبراهيم، هشام إسماعيل ومن إخراج أحمد الجندي.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!