خواطر

في مدرسة الحياة

هاتتعلم جوه الدنيا دي ان مفيش حاجه بتثبت علي وضعها ولا في حاجه بتفضل علي حالها.

اللي كان بيحبك امبارح بكره يكرهك، واللي كان بيكرهك امبارح انهارده بيحبك.. واللي انت كنت بتحبه امبارح انهارده بتكرهه ، واللي مكنتش بتحبه امبارح انهارده صاحبك الانتيم.

هاتفتكر ان الناس كلها حقوده وبتحسدك علي اللي انت فيه مع ان انت مش في دماغهم اصلا ويمكن يكون حالهم احسن من حالك، بس خيالك المريض مصورلك ان كل حاجه بتحصل كقدر او ابتلاء ليك ، الناس هما السبب فيها.

وهتلاقي ناس بتحبك وبتتمنالك الخير او تتمنالك الرضا ترضي ، بس عشان مصلحتهم، ولو انت قصرت معاهم في مره ومعملتش المصلحه دي ، ولا حتي هايرفعوا عليك سماعه التليفون.

هتلاقي ناكر الجميل واللي جميله عليك، هتلاقي اللي عامل صاحبك وهو بيخونك وبيطعن فيك، هتلاقي اللي فاهمك واللي مطنشك، واللي انت منفضله وهو دايما سائل فيك.

الحياه مش كلها اسود، ولا كلها ابيض .. الحياه تجارب، ولو احنا مفهمناش الدنيا دي بتتعاش ازاي ، يبقي منخرجش من باب بيتنا احسن.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
إغلاق