تصريحاتفن

ملك أحمد زاهر لهافن: في بيتنا روبوت محترم ولائق… ودوري في فارس مختلف عني تمامًا

شاركت الفنانة الشابة ملك أحمد زاهر كضيفة شرف في الحلقة ٢٦ من مسلسل في بيتنا روبوت

وصرحت لمجلة هافن عن ظهورها في مسلسل في بيتنا روبوت، وعن رأيها في المسلسل ودورها به، وقالت:”دوري في بيتنا روبوت كان ضيفة شرف، وأختي هي بطلة المسلسل وأكيد ليلى مش هرفض لها طلب وهروح أساعدها وكذلك هشام جمال، وبحب كل أبطال العمل عمرو وشيماء ودنيا ومي ورمزي وإياد وطه بحبهم جدًا، الدور جالي أنهم عايزنى أعمل ضيفة شرف وروحت متكلمتش مسألتش إيه الدور حتى لأني حبيت أساعدهم”.

وتابعت:”رأي في المسلسل بشكل عام أنا بحبه جدًا من الجزء الأول، وشوفته كذا مرة من كتر ماهو حلو وشايفاه أنه مسلسل محترم ولائق لكل الناس وكل الجمهور، من الطفل للناس الكبيرة كله يعرف يتفرج عليه ويستمتع بيه وأنا بحب المسلسل ده جدًا من كل قلبي ودمه خفيف وضحك وكل حاجة حلوة”.

فيلم فارس

أعربت ملك زاهر عن حماسها الشديد لعرض فيلمها الجديد “فارس”وعلقت قائلة: “مستنياه بفارغ الصبر وإن شاء الله هينزل قريب جدًا، وهو فيلم فعلا حلو جدًا ويستاهل أن الناس تشوفه ويليق بعقل الناس وفي كل حاجة كوميدي ورمانسي وأكشن، ودوري فيه مختلف عني تمامًا وخايفة منه جدًا وفي الوقت منتظراه، واسمي سماح أخت فارس، والذي يجسده أحمد زاهر وبنت صلاح عبد الله، وهي مختلفة عني تمامًا بنت بسيطة من الأرياف وملهاش في أي حاجة في الدنيا وغريبة كده شوية”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!