حوارات

خالد سرحان في حوار خاص لمجلة هافن: المهرجان اللي كنت أحب أشارك فيه مهرجان المزاريطة

مربوحة منتشرة في كل ماكن ولو أهتمينا هنلاقي 1000 مربوحة المواهب موجودة في كل بيت.

المهرجان اللي كان نفسي أحضره مهرجان المزاريطة.

العلاج بالقرأن محتاج حد حافظ للقرأن وأقوى من الشخص العادي.

فنان أحبه الجمهور من أول أعماله تربع على عرش القمة في رمضان2022، بأعماله التي قدم فيها شخصيتين مختلفتين عن بعضهم، وقام بأتقان كل منهم نتحدث اليوم مع “حسن” في مسلسل المداح والمستشار داوود شتا في فاتن أمل حربي الفنان المتألق خالد سرحان في لقاء مصور وحوار صحفي لمجلة هافن عن أعماله في رمضان 2022 لكم نص الحوار…

شاهدنا لك في شخصيتين مختلفتين في رمضان كيف كانت التحضيرات لكلًا منهم؟

خدوا وقتهم قبل المسلسل في التحضير يعني شخصية القاضي كنت بروح المحاكم وأحضر جلسات وأشوف على الطبيعة حالات وأتكلمت مع قضاه كتير وقعدت معاهم اتابع القضايا اللي مسموحلي أدخلها في المحكمة علشان أكون حالة أعمل منها الشخصية.

ماهو شعورك عند حضور حالة مثل “أمل” على الطبيعة؟

لازم يبقي في حالة من الحزن وفي حالات كتير تقطع القلب أسواء بكتير من المسلسل واللي شوفناه من المسلسل.

هل هناك شعور يسيطر على القاضي في الحكم عند رؤيته لحالة تستغيث أم القانون يطبق مهما كانت الحالة؟

هو للأسف القانون هو القانون والقاضي بيبقي في صراع عايز يساعد وعايز يحقق العدل في حدود القانون.

أعتقادات شخصية حسن في طريقة العلاج مقنعة بالنسبة لخالد سرحان؟

لا طبعا إن شوفنا إيه حصل لحسن ودا ماينفعش إيه إنسان عادي عمله دا محتاج إنسان حافظ قرأن كويس جدا وأقوى من الشخص العادي أن يعمل سحر والكلام دا.

نيللي كريم وحمادة هلال مدرستين مختلفتين كيف كان التعامل مع كلاً منهم؟

حمادة هلال فنان محترم وقريب من الناس وقريب من القلوب وليه جمهور. أما نيللي بتختار أعمالها وأدوارها القوية وبتطور سنة بعد سنة، مسلسلاتها من أنجح المسلسلات فطبعاً كان مهم بالنسبالي أني أعمل معاها حاجة ودي كانت أول حاجة تجمعني بنيللي كريم.

بعد مشاركتك مع نيللي كريم لأول مرة هل ستكرر هذا التعامل مرة أخرى وأي عمل تتمنى أن تشارك به معها؟

مافيش عمل معين، وطبعا أشتغل معاها تاني ليه لا، نيللى نجمة كبيرة وناجحة وشاطرة.

موسم رمضان ٢٠٢٢ كان اكتشاف لمواهب جديدة في أسماء معينة علمت معاك؟

علشان مظلمش حد أنا متابعتش كويس كل حاجة بس مربوحة منتشرة ومعلقة مع الناس، وشايف إننا لو دورنا شوية وأهتمينا هنلاقي 1000 مربوحة.

آخر مهرجان حضرته كان في وجود الفنان الكبير رحمه الله عليه عزت أبو عوف هل بعد تولي الفنان حسين فهمي رئاسة مهرجان القاهرة لدورته الجديدة هتحضر؟

أنا مقل شوية في موضوع الظهور في المهرجانات العامة أو المناسبات العامة بس ممكن أحضر، والله أعلم دي طبيعة فيا مش بحب أظهر كتير في حاجة زي كده، بس المهرجان الوحيد اللي كنت أتمنى أن أحضرة هو مهرجان المزاريطة وللأسف مجاتليش دعوة منهم.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!