حوارات

أحمد مصطفي لهافن: الوقت الأكبر في الماكير كان لخالد الصاوي وياسر جلال فنان شاطر وتعب على الشخصية

مكنتش أتوقع رد الفعل دا على السوشيال ميديا والضجة كانت كبيرة وأكبر من ما تخيلنا.

ياسر جلال لعب الشخصية كويس وكان بيركز في كل حاجه وأشتغل على أدق التفاصيل وعضلات وشه.

ماكير محترف قدر على إخراج أبرز ما في الشخصيات أشاد بأدائه الجمهور تألق في الموسم الرمضاني 2022، وهو الماكير أحمد مصطفى في حوار خاص لمجلة هافن عن تفاصيل شخصيات الاختيار 3.

ماهي الصعوبات التي واجهتها في مكياج ياسر جلال؟

الحمدلله مافيش حاجة كانت صعبة هو كان مذاكر كويس الشخصية، وساعدني كتير وكان مرحب بحلاقة الشعر ولو أنا تعبت 50٪ هو تعب 200٪ بأتقانة للدور والتميز وأشتغل على عضلات وشه وأتقمص الشخصية حلو وأبهرنا كلنا الحقيقة.

هل كنت تتوقع إخراج هذا الشبهه بهذه الدقة؟

هكدب لو قولت إني كنت أتوقع الشبه يبقى كدا خطوة بخطوة بس دا مجهود كبير من الأستاذ ياسر جلال في الشخصية مع الماكياج والكوافير بيقدموا على قد مايقدروا اللي عليهم علشان تطلع بالشكل دا.

هل كنت تتوقع كل هذه الردود حول ياسر جلال؟

في التصوير كنا مبسوطين جدا بالشكل والأداء فالأحساس كان متوقع لرد الفعل دا على السوشيال ميديا من الجمهور، بس الضحكة كانت كبيرة جدا وأكبر من اللي أتوقعنا بصراحة.

ماهو شعورك عندما ترى الكومنتات عبر مواقع التواصل الاجتماعي؟

طبعا ببقي مبسوط أن الناس بتتكلم على الشكل، وعايز أقولهم دا تعب ناس كتير ومجهود ناس كتير والحمدلله حقق مردود كويس، وكنت مبسوط جدا بكلام الناس عن المةكير بتاع الفنانين في المسلسل.

ماهو أكثر ماكياج أخد وقت ولماذا؟

أكتر وقت كان للأستاذ خالد الصاوي ممثل عظيم والوقت كان علشان الشخصية بتعمل دقن كاملة هير باي هير شعراية شعراية زي مابيقولوا، بطريقة معينه مع التفاصيل والميك أب تحت العين والحواجب وريأكشن معين فكان وقت ومجهود كبير.

مكياج محمد مرسي هناك من يؤيد ويعارض ما رد فعلك على ردود الجمهور على الفنان صبري فواز؟

في كتير مؤيدين وفي كتير معارضين دي الحياة ودي الدنيا، بس أنا باخد الرأي الحلو ولو في نقد ببقي حريص أني أشوف إيه اللي يتغير للأحسن وأغيره وإيه اللي يتعدل وعدله والأستاذ صبري فواز تعب وأجتهد علشان الشخصية تبقى قريبة كدا وهو فنان كبير وقدر يعمل دا.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!