حواراتفن

إياد أمين: شيماء سيف بتخلي اللي قدامها مطمن وعمرو وهبة وهشام جمال أكتر أتنين ساعدوني

أحمد زاهر قالي كلام حلو جدا وأداني طاقة إيجابية

كان نفسي أشارك في جزيرة غمام والكبير 6 بس الحمدلله أنا مش طماع وسعيد بالعمل في بيتنا روبوت

فنان شاب ظهر على الساحة الفنية في رمضان 2022 بمسلسل كان ينتظره الجمهور بعد عرض الجزء الأول ونجاحه، فنان قادر على التميز والتألق.

و كان لهافن حوار خاص مع إياد أمين عن أعماله في رمضان 2022، ولكم نص الحوار…

حدثنا عن شخصيتك في مسلسل في بيتنا روبوت

قدمت دور سامح اللي بينافس يوسف ند بند في اختراع الروبوتات، بس سامح دا فاشل دخل المسابقة وعايز يكسبها بطريقة غير شرعية.

كيف كانت كواليس هذا العمل؟

الكواليس كانت لطيفة جدا وكرو العمل كله كانوا لطاف جدا، وأقدر أقول أن دي كانت أمتع كواليس أنا أشتغلت فيها في المجال دا عموما.

هل واجهت صعوبات في التعامل مع الفنان عمرو وهبة في هذا العمل؟

لا خالص ماواجهتش أي صعوبات عمرو وهبة شخص لطيف وكتب المسلسل بشكل حلو، والمواقف لوحدها معاه تضحك جدا وهو شخص متعاون جدا.

“زومبا” شيماء سيف حدثنا عن التعامل معها في هذا العمل؟

شيماء سيف عسل جدا جدا جميلة وطاقة حلوة، وديما كانت بتعلق على اللي بقوله وكانت بتديني طاقة حلوة وهي شخصية جميلة بتخلي اللي قدامها دايمًا مطمن.

من رشحك لدور كرم في مسلسل سوشيال ومن هو كرم؟

اللي رشحني لدور كرم الأستاذ رؤوف عبد العزيز والمخرج المنفذ أخويا جمال شاكر، الاتنين أدوني دور حلو وطلعوا أحسن ماعندي وأحب أشكرهم طبعا.

حدثنا عن التعامل مع الفنان الكبير أحمد زاهر؟

أحمد زاهر مجمعنيش معاه مشاهد في المسلسل للأسف، بس قابلته برا العمل، وقالي كلام حلو جدا وطاقة إيجابية حلوة جدا وكانت مشاهدي كلها مع شاهين اللي قدم دور “مارشيل”.

مسلسل سوشيال يضم نجوم كبار حدثنا عن هذا العمل وكيف كانت كواليسه؟

مسلسل سوشيال جمع شباب كتير مهمة جدا جامدين وحلوين، منهم”جني، جورج، شاهين”، وأنا برضو معاهم.

أستمتعت جدا بالكواليس العمل دا وسعيد بمشاركتي طبعا.

هل هناك عمل في السباق الرمضانى كنت تتمنى العمل به؟

جزيرة غمام والكبير وفي مسلسلات كتير ناجحة كنت أحب أشتغل فيها، بس الحمد لله برضو أنا أشتغلت مسلسل في بيتنا روبوت ودي حاجة كويسة جدا وأنا مش طماع.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!