حواراتفن

خالد سرحان: “دخلت محكمة الأسرة من أجل “فاتن أمل حربي” والشيخ حسن كان بسمة “المداح 2”

حقق الفنان خالد سرحان نجاحًا كبيرًا في الموسم الرمضاني 2021م، من خلال مشاركته في مسلسل فاتن أمل حربي ومسلسل المداح الجزء الثاني، والذي قدم من خلالهما شخصيتين مختلفتين تمامًا، حيث قدم في مسلسل فاتن أمل حربي دور القاضي “داود شتا” والذي تميز بالحكمة، بينما قدم في مسلسل المداح الجزء الثاني دور “الشيخ حسن” والذي تميز بخفة ظله ضمن أحداث المسلسل.

وكان لمجلة هافن السبق ف حوار مع الفنان خالد سرحان والذي تحدث خلال الحوار عن كواليس مشاركته في الموسم الرمضاني 2021م.

كيف استطعت الفصل بين شخصية “حسن” في مسلسل المداح وشخصية “داود” في مسلسل فاتن أمل حربي؟

أولًا: أنا بحب التمثيل وبحب شغلي جدًا، وإني أفصل بين شخصية وشخصية بيكون ناتج خبرة على مدى السنين اللي أشتغلت فيها، وعارف إزاي أفصل دا عن دا بس دا بياخد مجهود كبير جدًا، بس مجهود أنا بحبه.

كان في صراع في شخصية داود
بين انسانيته وبين واجبه كقاضي… كيف استعديت للدور؟

عن طريق المحاكم؛ إن أنا روحت المحاكم وشوفت التعامل وقدرت أكون رأيي في شخصية القاضي وكيفية تعامله مع الجمهور والناس اللي عندها قضايا، واحاسيسه ومشاعره، وأد ايه هو بيقدر القانون وفي نفس الوقت بيحاول يساعد الناس، فكل دا في حد ذاته افادني لأني روحت كتير.

https://fb.watch/cWG5XWboEx/

قدم مسلسل فاتن أمل حربي العديد من القضايا… ايه اكتر قضية أثرت في خالد سرحان؟

قضايا كتير، مثلًا: الست المسيحية اللي مش طايقة جوزها وممنوع الطلاق في الموضوع، الست اللي ولعت في نفسها في المحكمة، في قضايا كتير أوي والواقع أسوء.

https://m.facebook.com/story.php?story_fbid=500406601777954&id=100054258540659

في رأيك هل الدراما العربية نصفت قضايا المرأة؟

لأ لسه.

هل النجاح والصدى اللي حققته بسبب مسلسل فاتن أمل حربي ده راجع لأن المسلسل هو أول مسلسل يعرض قضايا للمرأة مجمعة بالشكل ده؟

أكيد.. لأن مفيش حد تطرق للموضوع دا قبل كدا، فعمل صدمة جديدة على الدراما.

خالد سرحان دخل محكمة الأسرة قبل كده؟

دخلت علشان أذاكر المسلسل ده “فاتن أمل حربي”.

https://fb.watch/cWGb1vcqyL/

شخصية حسن لم تتسم بخفة الدم في الجزء الأول من المداح، جت منين فكرة تحويلها لشخصية كوميدية في الجزء الثاني؟

يمكن في الجزء الأول المواقف اللي كان بيتعرض ليها كانت أكثر كئابة شوية من الفقر، ولكن كان فيها بردو “شر البالية ما يضحك”، لكن الجزء الجديد فيه مساحة للكوميدي أكتر.

هل تخوفت من أن تجسيدك للشخصية الكوميدية سيؤثر على مصداقية المسلسل؟

لأ.. لأن هو ماشي في حتة لوحده، والحمدلله الناس حبيتها وكان هو البسمة اللي في المسلسل، فدا كان لطيف.

وما أصعب مشاهد مسلسل “المداح 2″؟

والله كلها كانت صعبة؛ علشان التصوير في الزراعة والبرد ومسافات بعيدة.

في حديثنا عن السحر والشعوذة.. هل حدث لك موقف في الحقيقة مشابه للمواقف التي حدثت في المسلسل؟

لأ يمكن حصل لحمادة أنا لأ.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!