نشر الفنان خالد سرحان، عبر صفحته على موقع التواصل الاجتماعي الشهير “فيس بوك”، بوست يعتذر فيه لجمهوره بعد مشاركته أغنية لسعد لمجرد وإليسا.
حيث علق قائلاً:”تنويه سريع:
في أغنية أنا اتريقت عليها في فيديو عندي على الصفحة امبارح، الأغنية دي كانت تريند على تيك توك وأنا بكل أمانة مش مميز غير صوت إليسا في الأغنية ومعرفش مين اللي بيغني معاها”.
وتابع:”فا صديق ليا كلمني وبالصدفة بيقولي شفت الفيديو بتاعك على أغنية سعد لمجرد، قفلت معاه ومسحت البوست في ساعتها”.
وأضاف:”أنا الشخص ده ماكنتش أعرفه أصلا غير لما مره من كام سنة أتصور معايا في فرنسا، وبعدها أصدقائي قالولي أن ده مغني واسمه سعد لمجرد، عشان كدا حابب أعتذر لمتابعيني وجمهوري إني ساهمت في إبراز شخص متهم بالاغتصاب في أكتر من دولة وبـ بنات كتير”.
وأختتم حديثه قائلاً:”أنا مش بهاجم ولا حتى بتهم، بس عالأقل مش هتسامح مع شخص متهم بإتهامات لا تغفر زي دي ولسا لم تثبت براءته لحد دلوقتي، بعتذرلكم تاني”.
يذكر أن أخر أعمال الفنان خالد سرحان هو مسلسل” فاتن أمل حربي ” بطولة نيللي كريم، شريف سلامة، هالة صدقي، محمد الشرنوبي، وغيرهم من النجوم.
