الفن نيوزفن

خالد سرحان يرد على الهجوم بسبب حذفه لأغنية سعد لمجرد

تعرض الفنان خالد سرحان للهجوم من الشباب المغربي بسبب حذفه لأغنية المطرب سعد لمجرد.

وكتب منشور عبر صفحته الرسمية على موقع التواصل الاجتماعي “فيسبوك”، ليرد على ذلك الهجوم.

وكتب معلقًا:”من بعد ما ممسحت البوست بتاع أغنية سعد لمجرد وأنا بواجه هجوم مش طبيعي من مجموعة كبيرة جدا من الشباب المغربي، الحقيقة أنا مش لاقي أي تفسير لده، أنا مهاجمتش رمز وطني مغربي ولا حتى هاجمت أي شخص أنا خدت موقف إنساني طبيعي غير متعلق ولا بشخص ولا ببلد وأي حد مكاني لازم ياخد الموقف ده وإلا مش هيكون إنسان سوي، أنا حتى لم اثبت اتهامات”.

وأضاف:”أنا قولت أن الموضوع طالما فيه احتمال حتى لو ١٪؜ يكون مُدان بالتهم دي فعلا فا أنا عن نفسي لازم اتجنب الشخص ده لحد ما اتأكد انه برئ وبس، أنا زُرت المغرب كتير والشعب المغربي من أقرب الشعوب لقلبي كا كرم وطيبة وذوق في التعامل، عشان كدا أنا مش زعلان منهم وأتمنى مايفهمونيش غلط”.

وأختتم قائلًا:”المغرب مش شخص، ومصر مش شخص، إحنا بلاد كبيرة مينفعش نختزلها في فرد ممكن يخطئ أو يصيب”.

ويشار إلى أنه خالد سرحان قام بكتابة منشور أمس للتوضيح وكتب معلقًا:”تنويه سريع
في أغنية أنا اتريقت عليها في فيديو عندي على الصفحة امبارح، الاغنية دي كانت تريند على تيك توك وأنا بكل أمانة مش مميز غير صوت إليسا في الأغنية ومعرفش مين اللي بيغني معاها، فا صديق ليا كلمني وبالصدفة بيقولي شفت الفيديو بتاعك على أغنية سعد لمجرد قفلت معاه ومسحت البوست في ساعتها”.

وتابع:”أنا الشخص ده ماكنتش أعرفه أصلا غير لما مره من كام سنة اتصور معايا في فرنسا وبعدها اصدقائي قالولي ان ده مغني واسمه سعد لمجرد، عشان كدا حابب اعتذر لمتابعيني وجمهوري إني ساهمت في ابراز شخص متهم بالاغتصاب في أكتر من دولة وبـ بنات كتير، أنا مش بهاجم ولا حتى بتهم بس عالاقل مش هتسامح مع شخص متهم بإتهامات لا تغفر زي دي ولسا لم تثبت براءته لحد دلوقتي، بعتذرلكم تاني”.

يذكر أن آخر أعمال خالد سرحان هو مشاركته في مسلسل المداح الجزء الثاني الذي تم عرضه في الموسوم الرمضاني لعام ٢٠٢٢.

بمشاركة: حمادة هلال، سهر الصايغ، هبة مجدي، هلا السعيد، حنان سليمان، عفاف رشاد، كمال أبو رية، ولاء الشريف، دنيا عبد العزيز، وآخرين ومن تأليف أمين جلال وإخراج أحمد سمير فرج.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!