خرج الشاعر الكبير بهاء الدين محمد عن صمته، بعد التصريحات الأخيرة للفنانة شيرين عبد الوهاب والتي ندمت فيها عن غنائها لأغنية من كلماته.
وسأل إحدى المتابعين شيرين عبد الوهاب منذ يومان عبر خاصية Ask موقع تبادل الصور والفيديوهات الشهير “إنستجرام” عن الأغنية التي ندمت عليها، لترد قائلة:”ماتجرحنيش”.
وهذا الرد أزعج الشاعر الكبير بهاء الدين محمد، مما جعله يرد عليها عبر منشور خاص به عبر موقع التواصل الاجتماعي الشهير”فيسبوك”.
وعلق قائلًا:”مش متعود أرد على أى حد ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد في كل كارثة يدافع عنها، وحأتكلم بإختصار جدا:
المشهد الأول: أول يوم دخلت شيرين عبد الوهاب مكتبي كانت مع الأستاذ نصر محروس اللي هو صاحب الفضل في تقديمها، وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء”.
وتابع:”والمشهد الثاني
رشحتها تغني كتير بنعشق ولولا موافقة نصر إحتراما للعشرة اللي بنا ماكانتش حتغنيها لأنها كانت موقوفة من النقابة، المشهد الثالث لما فوجئت بمدير أعمالها الرجل اللي أنا بأحبه وبأحترمه لقيته بيكلمني نيابة عنها ويقولي سمعني الجديد وده طبعا خطأ لأن اللي بيغني مهما كان اسمه مش المفروض يغلط غلطة زي دي أن المشهد ده مش لايق على المشهد الأول”.
وأضاف:”المشهد الرابع والأخير أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش حيتم اللقاء، وماتجرحنيش من أهم أعمالي ومن حقى أدافع عنها نتاج تهور اللى غنيتها،
وكمان لأول مرة ألاقى حد بيحارب نَفسه وبيغلط في مبدعين إشتركوا في صناعته،
وعشان أكتب الكلام ده يبقى شيرين غلطانة كالعادة بس كان لازم أقولها ماتعمليش كده تاني وأنتي بتكبرى بس مش حتعدى حدود حجم بعض الأسماء ولا أعمالهم، الشاعر بهاء الدين محمد”.
أغنية “ماتجرحنيش” من كلمات بهاء الدين محمد، ومن ألحان حسن أبو السعود، ومن توزيع مدحت خميس، مهندس صوت أمير محروس، تسجيل ومكساج هاني محروس وأمير محروس، ومن إنتاج فري ميوزك، وتم طرح الأغنية منذ أكثر من 9 سنوات.
وتعاون الشاعر الغنائي بهاء الدين محمد مع شيرين عبد الوهاب في أكثر من أغنية من قبل، مثل أغاني (كتير بنعشق، ماتجرحنيش، أه لو جاني تاني)، وحققت هذه الأغاني نجاحًا جماهيريًا كبيرًا.
يذكر أن من آخر أعمال شيرين عبد الوهاب طرحها لأغاني “كلها غيرانة، القماص، خاصمت النوم، وبحلف لك”، وحققت تلك الأغاني نجاحًا جماهيريًا كبيرًا.
