حلت الفنانة داليا إبراهيم كـ ضيفة على برنامج “كلام الناس” الذي تقدمه الإعلامية ياسمين عز، وذلك عبر فضائية “إم بي سي مصر”.
وصرحت بـ عدة تصريحات صادمة خلال الحلقة وأوضحت من خلالها عن الفترة التي ابتعدت فيها عن الفن وعن عودتها له مرة آخرى بالحجاب وعن أمور آخرى، سترصدها لكم مجلة هافن.
قالت غادة عن رجوعها للفن: “أنا حاليًا مش معتزلة ورجعت تاني للفن، أنا راجعة بستايل معين أنا أه مش محجبة بالشكل المتزمت ولكني بلبس ايشارب وحاجات طويله وده مش هيحجم الأدوار”.
وتابعت: “ده إيران مثلا بيحطوا الايشراب أهو ولكنهم وبيروحو لـ كان أحنا مش أقل منهم عشان نروح هناك، العائق مش في اللبس”.
وأضافت: “أنا بطلع قُصة أه لكن عمري ما هلبس باروكة على الحجاب، دي حاجة نابعة مني أنا حابة يبقى شكلي وأكيد دي فيها جانب ديني بس مش هتدخل فيه”.
وصرحت عن حبها للتدخين وأنها لا تستطيع أن تتخلى عنه وقالت: “أنا عارفة أن التدخين عادة سيئة ومقدرش أنكر دة، لكن في النهاية أنا بدخل ولكني مش بأذي حد، هي بتأذيني أنا بس”.
وتحدثت عن الانتقادات التي توجهت لها بعد دورها في فيلم “كلمني شكرًا” وقالت: “أنا قريت المشهد وسألت خالد يوسف ليه هعمل المشهد الجريئ بتاع نص فوق ده، وبعدها فكرت وقولت هعمله بعدها حصل دوشة”
وتابعت: “بس مقارنة بالي موجود وبيحصل دلوقتي فهو مكنش فيه حاجه خالص، وعشان هو كوميدي فيعدي وهو مكنش مبتذل هو عمل حاجا لايت مع عمرو عبد الجليل لأنه دمه خفيف”
يذكر أن آخر أعمال داليا إبراهيم هو مسلسل “جراب حواء”بطولة عبير صبري ونورهان وتهاني راشد، سيمون ومن إخراج سارة وفيق.
