حلت الفنانة المصرية “وفاء عامر” منذ ايام قليلة ضيفة مع الإعلامية “شافكي المُنيّري” على القناة الأولى المصرية.
وفي فقرة من فقرات البرنامج عبرت وفاء عامر عن رأيها في الفن والفنانات المعتزلات عندما سألتها الإعلامية شافكي المنيري عن سبب القلق وراء السيدة الممثلة، حيث ردت وفاء عامر:
“هما اللي بيتوبوا ويعتزلوا عملوا ايه علشان يتوبوا منه؟
احنا بنقدم قيمة للمجتمع وفي كل صلاة بنقول اللهم اغفر لنا وتب علينا”.
واضافت متابعة:
“هو انا بس عايزة اسأل سؤال هو الحجاب أننا نلبس طرحة بس ولا هو حجاب القلب واللسان؟”.
وبناءًا عليه نشرت الفنانة وفاء عامر ڤيديو لها عبر موقع التواصل الشهير “إنستجرام” وهى توضح من خلاله ما قالته في البرنامج:
“مساء الخير على جمهوري ومتابعيني الكرام اسعد الله مسائكم أنا بس عندي كلمتين عايزة اقولهم، أنا لم اتحدث عن الحجاب من قريب أو بعيد وانا قولت قبل كده مية مرة أنا ولا عالم دين ولا داعية إسلامية
انا زيي زي اي حد بسيط عنده بعض المعلومات العامة اللي بستسقيها من الكتاب والسُنة”.
وتابعت:
“فـ لما استاذة شافكي المُنيّري اتكلمت عن الحجاب انا قولت كنت بحضر لكن مباخدش قرارت متسرعة اتعلمت من بعضهم حاجات كتير جدا، لم أنكر الحجاب وقولت حاجة مهمة جدا ياريت بس نحجب لسانّا ونحجب قلوبنا ونغض بصرنا ونبطل نأذي ده اللي انا قولته”.
واختتمت حديثها بالمحجبات:
“عمري ابدا ما بعيب في حد المحجبات كلهم اخواتنا واصحابنا وولادنا بنتشرف بيهم كلهم”.
يذكر أن آخر أعمال الفنانة وفاء عامر هى مشاركتها في ماراثون رمضان لهذا العام بعدة مسلسلات تعد من أبرز مسلسلات العام وهم “راجعين يا هوى، جزيرة غمام، وبيت الشدة”.
