حوارات

مصطفى خاطر لـ”مجلة هافن”: التطور في شخصية “بينو” جذبني للدور وأؤمن بوجود العفاريت

مصطفى خاطر ممثل ومخرج مصري، مواليد ١٣ مارس تخرج من كلية الحقوق جامعة عين شمس، بدأ مشواره الفني بالإشتراك في عدد من المسرحيات التي قدمها خلال الجامعة.

بدأت إنطلاقته الفنية من خلال مشاركته في مواسم مسرحيات “تياترو مصر”، وله العديد من الأعمال الفنية ومن أهمها: دلع بنات، أوشين ١٤، حسن وبقلظ، ثانية واحدة، نيللي وشريهان، طلقة حظ، عمر ودياب، هربانة منها، ربع رومي.

وكان لمجلة هافن حوار خاص معه عن دوره في مسلسل البيت بيتي، وبعد النجاح الكبير الذي حققه بدور “بينو”.

من رشحك لدور “بينو” في البيت بيتي؟

اللي رشحني أمير شوقي شركة ماشا،وجالي المكتب بعد ما قريت الورق وعجبني وإتفقنا على العمل.

ما الذي جذبك لدور بينو؟

الشخصية مستهترة جدًا لكن مع الواقع المؤلم اللي عاشه بدأ يشوف الدنيا بوجهة نظر تانية وبدأ ينظر للحياة بجدية شوية لحد ما أصبح عنده قرار وقدر يكشف اللعبة اللي أخواته لعبوها عليه، التطور اللي في الشخصية هو اللي جذبني للدور.

كيف حضرت لشخصية بينو في مشاهد الرعب؟

جهزت نفسي لمشاهد الرعب إن كل خضة تبقي مختلفة وإن أكون حقيقي، ومن الحقيقي ده أقدر أضحك من غير مزايدة في طريقتي علشان أضحك.

حدثنا عن كواليس المسلسل والتصوير كيف كانت؟

كواليس المسلسل كانت عظيمة لأن كان في توافق كبير مع كريم، وكأننا بنمثل مع بعض من زمان وكواليس هادية وكنا مطمنين علشان العمل إخراج الأستاذ خالد مرعي.

ماهو أصعب مشهد واجهت فيه صعوبة وأثر فيك نفسيًا؟

المشهد اللي بروح فيه لأخواتي بعد ما أكتشفت إنهم زوروا ورق الورث ووصية الأب.

هل يوجد تشابه بين مصطفى خاطر في الواقع وشخصية بينو؟

لأ، خالص مفيش أي تشابه بينا.

هل بتؤمن بوجود أرواح الموتى أو العفاريت في البيوت وإنها مسكونة بهم؟

اه طبعًا مؤمن بوجود العفاريت والجن والعوالم الموازية.

إذا حدث معك في الواقع وأصبحت في بيت مسكون مثل “بينو” ماهو رد فعلك؟

أكيد هترعب برضو لأن الحاجات دي مفيهاش جرئة، أكيد مش هتعامل يعني.

حدثنا عن تجربتك في نوعية الرعب كيف كانت؟

نوعية الأفلام اللي بتتكلم عن الأرواح وكده هو نوع موجود من زمان جدًا والناس بتنجذب ليه سواء الشكل العالمي أو المصري.

مارأيك في نوعية الأعمال الرعب التي تتحدث عن العفاريت والأرواح؟

الجمهور بينجذب جدًا للحاجات دي، وأنا فاكر لما فيلم الإنس والجن للزعيم لما إتذاع في التليفزيون حصلت حالة هلع في الشارع المصري، وده دليل علي تأثر الجمهور بأعمال الرعب.

ماهي نوعية الأعمال التي تفضل تقديمها وتمثيلها؟

بحب الكوميديا الإجتماعية المبنية على مواقف وشخصيات واضحة.

هل في جزء ثاني من البيت بيتي؟

إن شاء الله في جزء تاني من البيت بيتي.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!