الفن نيوز

هنادي مهنا: “كان نفسي جدًا اغني وبحب قوي اشتغل مش بحب قعدة البيت”

كتبت: ثريا الصاوي

استضافت الإعلامية لميس الحديدي الفنانة هنادي مهنا في برنامج “كلمة أخيرة” المذاع على قناة ON.

وقالت هنادي مهنا:
“أنا كنت عايشة في إسبانيا، ومتعودة على الحركة كثير جدا، ولما رجعت مصر ما كانش ينفع في حاجات كثيرة ما أكلهاش، كان نفسى جدًا أغني، ولكن حصلتلي صدمة من كثرة الشغل، وأول ما رجعت من إسبانيا اشتغلت مدرسة”.

وتابعت:
“بحب قوي اشتغل مش بحب أقعد في البيت، ولما اشتغلت ممثلة، وما كنتش واخدة أبدا اني ممكن أقعد شهر اشتغل كل يوم، لكن الدنيا ما مشيتش معايا قوي”.

وأضافت مهنا:
“قعدت سنتين اشتغل ومفيش حاجة بتتعرض أبدا، وجالي زي اكتئاب، والناس بتبعتلي انتي بتمثلي لنفسك والموضوع كان بجد صعب جدا عليا، أنا كنت رفيعة وتخنت، أنا عملت كل أنواع الرياضة والدايت، لكن في الأخر لجأت لطبيب علشان يساعدني أنا أساسا رجعت لشكلي الطبيعي، ورجعت ألبس ملابسي القديمة”.

وأكملت حديثها:
“أنا حاسة اني عاوزة اعمل فرح تاني لأننا حضرنا للفرح بسرعة جدا وما عملتش الحاجات اللي كنت عاوزاها بالظبط دلوقتي باخد بالي من أكلي، وبعمل رياضة طبعا، والتمثيل مالوش علاقة بالشكل خالص لكن له علاقة بالروح، لما بزعل بيبان على وشي ولما بفرح بيبان على وشي، لكن مش بعرف أزعل فترة كبيرة، أنا بعشق المطبخ، وبتفرج على برامج طبيخ، لكن مش باخدها زي ما هي”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!