الفن نيوز

شيرين تعود لجمهورها من جديد بـ فقرة “الأسك” الإسبوعية ومن أبرز ردودها: “حسام كان بيحافظ على فلوسي”

كتبت: نورا أحمد

ردت الفنانة شيرين عبد الوهاب علي أسئلة جمهورها كما تفعل كل أسبوع في الفترة الأخيرة، وتحديدًا بـ فقرة “الأسك” التي تقوم بها من خلال صفحتها الرسميه بموقع “انستجرام”.

ومن خلال ask هذا الأسبوع إليكم أهم الأسئلة التي وجهت لـ شيرين وإحدى هذه الأسئلة هي “هل فعلًا حسام حبيب زي مالناس بتقول أخد فلوسك”.

وقامت شيرين بالرد علي هذا السؤال قائله: “بصراحة حق الله حسام عمره ما أخد مني فلوس ولا استفاد مني ماديًا بل بالعكس انا معرفتش تحوش فلوس ليا غير لما اتجوزت حسام، هو كان عكس الي بيتقال تمامًا هو كان بيحافظ ليا علي مالي ودي حاجه هتسأل عليها قدام ربنا”.

كما عبرت عن فخرها بصحافة بلدها من خلال ردها علي هذا السؤال: “ليه مش بتحبي الصحافة المصرية”

فقالت: “الكلام ده مش مظبوط خالص انا صحافة بلدي هيا الي عملتني وليها فضل كبير عليا وأنا أفتخر بصحافة بلدي”.

ومن بين الأسئله أيضًا كان: “ايه بيلفت انتباهك في الراجل”

وكان ردها:”أول حاجه بتشدني في الراجل شخصيته لما بتكون مميزه ويكون عاقل”.

أما عن سؤالها عن قضية آمال ماهر: “رأيك في قضية أمال ماهر”

قالت: “الموضوع ده حساس وخاص أنا مقدرش أتدخل في شئ خاص بالذات إني شخصيًا إتأذيت في حياتي الشخصيه واتقال عني كلام غلط كتير ف أنا مقدرش اتدخل في موضوع خاص”.

وأكملت: “بس أمال ماهر لو طلبت عيني اديهالها، إحنا ايه عرفنا ان فيه مشاكل كل ده كلام بيتقال من غير إثبات خصوصًا إن أهلها قالوا ان مافيش مشاكل وان أمال زي الفل”.

ومن بين الأسئله كان سؤال: “هل ندمتي في يوم من الأيام إنك دخلتي الوسط الفني” وأجابت شيرين “ساعات بندم بس ندم ليه علاقه مش بالفن لكن ليه علاقه بالمشاكل اللي بتيجي بسبب الشهره، كل مجال ليه إيجابيات وسلبيات”.

كما وضحت أن الشعور المسيطر عليها الأيام دي هو “تطوير شيرين” وأن الأغنيه التي تعبر عنها هى “أنا كتير”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!