كتبت: ثريا الصاوي
كشفت الفنانة هنادي مهنا عن العديد من الأسرار في حياتها الشخصية، من خلال برنامج كلمة أخيرة الذي تقدمه الإعلامية لميس الحديدي.
وقالت هنادي مهنا: “والدتي بتنصحني بالحاجات العادية لازم يبقي فيه أكل في البيت لازم تاخدي بالك منه..لازم تكوي الفانلات انا كانت وجهة نظري في الأول أن الفانلات حاجة مش باينة ليه تتكوي..بتقعد تقولي بقي عشان البكتريا”.
وأضافت هنادي: “أنا دلوقتي مش بكوي فانلته بس هي حاجة من المسؤوليات طبع، ولو أنا مثلا في الشغل ماما بتقعد قدام التلفزيون تكويها وتعملي كل حاجة في البيت”.
وتابعت: “ماما بذلت مجهود كبير جدًا في البداية، لأنها متزوجة من فنان، بالإضافة إلى أنها عندما جاءت إلى مصر مش عارفة تتكلم عربي، والدتي فرنساوية وست جدعة مصرية في نفس الوقت”.
وأكملت مهنا حديثها: “ماما طول الوقت تدعمني في مشواري الفني، وكافة أمور حياتي، وأحمد كمان بدأ يتكلم فرنساوي علشان خاطر ماما”.
وعن شائعة إنفصالها: “الموضوع مضحك وبيضحكني أوي وقلت كويس أنهم مشغولين في الكلام وده ومتخيلينا أننا بينا خلافات أحسن ما يحسدونا”.
