حل المخرج مروان حامد ونجما فيلم “كيرة والجن”، المعروض بالسينمات حاليًا، ضيوفًا مع الإعلامية لميس الحديدي بحلقة الأمس من برنامج “كلمة أخيرة”، المذاع عبر قناة “On”.
وخلال الحوار، تحدث مروان عن أنه كان يتمنى أن يرى والده الكاتب الراحل وحيد حامد الفيلم: “كان نفسي يتفرج على كيرة والجن”، لافتًا: “هو كان حضر جزء من تصويره”.
وأردف: “وفيه حاجات كان نفسي يتفرج على الفيلم ده جدًا، كنت لسه بقول لكريم الحكاية دي إمبارح”، كاشفًا: “حضر جزء، جه زارنا في المشهد بتاع لما كنا بنعمل الكباريه بتاع نرجس، وكان موجود معانا لحد بداية التوقف الأولى، فكان نفسي طبعًا يكون موجود”.
وفجر مروان مفاجأةً حول وجود مشروع سينمائي جديد عن سيناريو لوالده، حيث قال:
“فيه سكريبت، دي حاجة أنا ناويها إن شاء الله لما ييجي وقتها المفروض، وفيه فعلًا، وربنا يسهل إن شاء الله، بس حاجة أنا ناويها”.
وأوضح: “ماعرفش فيلمي القادم إيه، لسه ماعنديش مشروع مقرره، ولكن اللي أنا مقرره إن إن شاء الله بإذن الله، قريبًا هيكون فيه نص كده معين لبابا أنا نفسي أعمله، موجود فعلًا وإن شاء الله يجيله أوانه”.
وهو ما دفع هند صبري لتعلق: “إحنا فيه من دلوقتي، إن شا الله لو دور صغير”.
كما علق كريم عبد العزيز: “ده فيلمنا، مش بعد كل ده ترمينا، معاك 3 سنين وفي الآخر تقول ماعرفكوش”.
يذكر أن “كيرة والجن” حقق نجاحًا ساحقًا، منذ انطلاق عرضه بالسينمات، قبل أيام قليلة من حلول عيد الأضحى المبارك، ليعتلي صدارة شباك التذاكر، محققًا إيراداتٍ مرتفعةً للغاية، وقد وصف الفيلم بأنه الإنتاج التضخم في السينما، خلال السنوات الأخيرة.
والجدير بالذكر أن الفيلم من بطولة كريم عبدالعزيز، أحمد عز، هند صبري، سيد رجب، هدى المفتي، علي قاسم، تامر نبيل، أحمد مالك، لارا إسكندر، رزان جمال وغيرهم، وهو من تأليف أحمد مراد، إخراج مروان حامد وإنتاج “سينرجي فيلمز” تامر مرسي.
