✍️مي شاهين
قالت الفنانة شيرين عبد الوهاب خلال مداخلة هاتفية عبر برنامج “كلمة أخيرة” والتي تقدمه الإعلامية “لميس الحديدي”، والمذاع على قناة أون أنها تكره حسام حبيب وإنه سرق سيارتها.
حيث قالت عند سؤالها إذا كانت تحبه أولا:”حبته عقربة دا أنا في حياتي متأذتش من إنسان كدا، إنسان قلبه أسود، وفاضي، وبيغتاب كل الناس، وسرق عربيتي”.
وتابعت:”أنا عندي عربية مرسيدس وقولت إن اللي هيركبها حسام، علشان عيب إن اللي يوقفه في الشارع يلاقي الرخص بإسم مراته فقولتله عيب لازم تبقى بإسمك، جتني ستين نيلة”.
وأضافت:”لازم يتعالج نفسيًا من حب الإمتلاك، لو رحت غنيت في فرح ناجح ينكد عليا هو إنتي كنتي ماسكة الولد كدا ليه وحضناه كدا ليه، لو رحت عملت إعلان ناجح زي إعلان بنك مصر نكد عليا أكون تريند وأنا في الحقيقة في خناقات ومشاكل”.
وتابعت:”أطلقت لما قصيت شعري، ولكني حسيت إني مش قادرة أستغنى عنه وإني بحبه وليه مديلوش فرصة تانية، ليه ميبقاش في رحمة فكنت بحبه وفكراه ايني مش جوزي، إهتميت بيه وعملت استوديو علشان شغلي أنا وهو وإشتريتله كل الأغاني اللي عجبته بشيكات بإسمي علشان الأغاني متروحش منه، الاقى بعد كدا إنسان بيقولي إني تخنت وبقيت شبه أمي وأنا عايز واحدة أتباهى بيها قدام الناس”.
وتابعت:”كل دا غير الخناقات اللي فيها ضرب وسحل وشتيمة عمر ما إنسانة تستحملهم ولا تقبلها على نفسها، لما أطلقت رجعت تاني بشروط”.
