الفن نيوزفن

ابنة حسن أبو السعود: لازم نرحم شيرين لأنها بتمر بمشاكل كتير وهي ماتقدصش اللي حصل

✍️ثريا الصاوي

ردت رنا أبو السعود ابنة الموسيقار الراحل حسن أبو السعود، على تصريحات المطربة شيرين عبد الوهاب الأخيرة الخاصة بوالدها في مداخلة لقناة “العربية”.

وقالت رنا أبو السعود:”قبل ما أسمع الكلام قلت أكيد شيرين ماتقصدش، لأنها بتتكلم بعفوية وبدون تفكير، وهي بتعدي بظروف صعبة جدًا، وقالت كده ومش قصدها، وأنا لن أقبل إهانة لوالدي”.

وأضافت أن الفنانة شيرين عبد الوهاب كانت تبكي بشدة يوم وفاة والدي، قائلةً:”كانت في المستشفى وبتعيط على والدي جدًا وكانت منهارة، وكان فيه خلاف بينهما قبل وفاته، لكن يوم الوفاة لقيتها بتبكي جنب رجل والدي، وكانت شبه مقيمة معانا وبتحب أسرتنا جدًا”.

وأكدت ابنة الموسيقار الراحل حسن أبو السعود على إنها تلتمس العذر للمطربة شيرين عبد الوهاب، كون والدها مكتشفها وسبب بدايتها الفنية، بعدما وجهها لنصر محروس لتبدأ مسيرتها الفنية، مشيرةً: “لازم نرحمها لأنها بتمر بمشاكل كتير، وأختي الكبيرة رشا شايفة إن اللي حصل ده مشكلة، لكن أنا شايفة إن الموضوع أبسط من كده ووالدي لو عايش كان هيتقبل الموضوع بهزار، وباقي أسرتي متفهمين ومؤيدين لرأيي إن شيرين ماتقصدش اللي حصل”.

ويذكر أن أطلقت المطربة شيرين عبد الوهاب العديد من التصريحات الهامة عن انفصالها عن زوجها السابق المطرب حسام حبيب، من خلال مداخلة هاتفية ببرنامج “كلمة أخيرة”، الذي تقدمه الإعلامية لميس الحديدي، وذكرت فيها اسم الموسيقار الراحل حسن أبو السعود.

والجدير بالذكر أن قالت:”أنا ما أدمنتش الأدوية زي ما أبوه بيقول، ولو كنت أدمنت الأدوية وتعبت وتخنت، فده عشان حياتي معاه، أنا كنت زي البدر، ولما عاشرته، بقيت شبه حسن أبو السعود، لكن خلاص أنا مش فاضياله دلوقتي، وبحضَّر أحلى أغاني، وأحلى فيلم، وفيه دنيا مستنياني وعالم تاني”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!