بحب عدوية جدا وأكتر أغنية مفضلة “بنت السلطان، وكرقشندي”.
ظهرت مع تامر حسني مرتين على استيدج واحد وأتمنى تتكرر لأني بحب تامر جدا
لعيبة المتخب كلهم صحابي بس مش بشجع كورة للأسف
فنان متألق وشاب خلوق ومحب لجمهوره ويحُسن استقبال ضيوفه، صوتة قادر على جذب الجمهور له.
مبدع وقوي وعذب له أغاني تربعت على عرش السلو المصري في حفلات الزفاف المصرية وفي الأماكن الشعبية أيضًا.
فنان يتعامل مع الأصوات الجديدة بكل ترحيب وحب ويقدمها للجمهور، حتى تخرج للنور ويتمتع الجمهور بفن راقي ونظيف.
وهو المطرب أدهم سليمان، صاحب الصوت القوي، كان لمجلة هافن تغطية خاصة لحفلته في ساقية الصاوي، وأنفردت هافن بحوار خاص معه من داخل الحفل هو المطرب، ولكم نص الحوار….
في بداية الحوار خلينا نعرف بتشجع كورة مصرية؟
والله لعيبة المنتخب كلهم صحابي، بس أنا مش بشجع كورة رغم أن والدي كان بيحب الكورة جدا.
في البروفة سمعتك بتغنى لعدوية بتحب عدوية وإيه أكتر أغنية مفضلة لبك؟
جدا، بحب عدوية جدا، بحب ليه “بنت السلطان وكرقشندى دبح كبشه”، وهي بتقول “كرقشندي دبح كبشة يامحلى مرقة لحم كبشة عكشو اقلش، تقدر يامسلطن يامستسلطن تستسلطنلنا سبع سلطين زي مستسلطناهم من عند المستسلطنين”.
هل قدمت أغنية وكنت تشعر إنها تتحدث عن حياة أدهم سليمان؟
السؤال دا مبتكر أوي هي مش عن حياتي أوي، لكن في كوبليه من أغنية غنتها اسمها صورة معكوسة، كان بيقول “اللي باقي مني يادوب نظرة عيون مليانة خوف كلمة تاهت وأتخنق فيها الحروف كأنك صورة معكوسة على المياه وكل ما أجي المسها مش بشوف”.
أغنية أسمي أشتغلت في حفلات الزفاف في مصر بأكلمها كانت حاجة كويسه بالنسبة لك أن أغانيك بتشتغل في مهرجانات شعبية؟
أنا سمعت أغانية ليا في “توك توك”، وكانت أسعد لحظات حياتي، مش سهل توصل للجمهور وتوصله اللي أنت عايزه، الجمهور مش بيقبل أي حاجة، وفاهم كويس حتى الحاجة اللي مش كويسة بيقبلها بمزاجه.
فنان تتمنى أن تقدم أغنية معه؟
كتير جدا عندي فنانين كتير بفضلهم وأتمنى أغني معاهم.
فنان شايف أن الفترة دي مناسبة أن يتعمل فيها دويتو مع أدهم سليمان والفنان دا؟
تامر حسني أنا بحب تامر حسني جدا، وأنا ظهرت معاه على استيدج واحد مرتين وهو حد ذوق جدا شرف ليا.
قدم لتامر حسني رسالة بمناسبة نجاح فيلم بحبك؟
أقوله يا تامر أنت أخلاقك بتتكلم عنك، وألف مبروك لنجاح الفيلم، وربنا ينجحك أن شاء الله وربنا يكرمك في حياتك وفي بيتك وفي شغلك، وألف مبروك الفيلم وألف مبروك الألبوم وألف مبروك حفلتك في أسبانيا.
