خواطر

أيام زمان


الفكره مش فكره كلمتين على الواتس أو الفيس، اصلا مواقع التواصل الإجتماعي دى بوظت كل الحاجات الحلوه اللى عشناها، زمان الزيارات و القعده الحلوه في رمضان مسيحيين ومسلمين، السؤال على بعض والكلام بالساعات ،ولما كنا نتقابل قعدتنا كانت لعب وضحك واكل وهزار ،احنا لما بنتقابل دلوقتي بنتقابل مع تليفوناتنا وبس مش بنسيب التليفون من أيدينا بقى هو سيد حياتنا، للاسف دخلنا النت في كل حاجه مش وحش اننا نستفاد منه بس مايبقباش هو سؤالنا على بعض يعني نسأل على بعض بايموشن كفاية، دلوقتي بقت حاجه رخمه قووي كنا بنروح لبعض قبل الدرس بربع ساعه ونمشي مع بعض ،ولما نروح مدارس الاحد برضو مع بعض و صلاه العيد والتراويح كنا بنتشارك حقيقي، احنا كنا شله كبيره زمان انا وصحابي كنا كل اسبوع عند حد فينا وكنا بنبقى مش عايزين نروح بجد من جمال القعده ، كان في زمان محبة وموده بجد كفايه ، بجد كفايه جفاف انا نفسى جدا ايام زمان ترجع تاني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
إغلاق