حوارات

تيم إسماعيل: أقدم شخصية محورية في “خطة مازنجر” ومعظم المشاهد كانت قمة في الكوميديا

تيم إسماعيل” طفل متألق ذو كاريزما خاصة، تألق في العديد من الأعمال الفنية، وبرغم صغر سنة إلا إنه قدم كل أدواره بسلاسة وإبداع.

يشارك الطفل “تيم إسماعيل” في بطولة فيلم “خطة مازنجر”، بطولة النجمة ياسمين رئيس والنجم حمدي المرغني، ويقدم خلال الفيلم دورًا محوريًا.

وتواصلت مجلة هافن مع الطفل “تيم إسماعيل” ليكشف لنا عن دوره واستعداده للفيلم.

أقدم شخصية طفل اسمه “مهند”، شخصية محورية تدور حولها أغلب أحداث الفيلم، هو طفل بيتم خطفه وتتوالي أحداث الفيلم وإن شاء الله يعجب الناس وتستمتعوا بيه.

  • حدثنا كيف أستعديت لدور “مهند”؟

في الأول قعدت مع الأستاذ “رامي رزق الله” وطبعًا هو أتكلم معايا وعملنا بروفة على معظم مشاهد الفيلم، وقالي علي اللي محتاجه في الشخصية من أداء الشخصية وبعد كده أنا أخدت السيناريو وفضلت أذاكره؛ لأن في تحول في الشخصية فكنت محتاج أفهم وأشتغل عليها كويس.

عملت أوديشن في مكتب كاستنج مع الأستاذ الجميل خالد طلعت المخرج المنفذ، وأثنى عليا وقالي أنت شاطر ورشحني لأستاذ رامي رزق الله، وأستاذ رامي وافق وأخدت الدور.

بالنسبالي كانت أجمل أجواء؛ لأنها كانت مع نجوم الكوميديا مع الاستاذ حمدي المرغني ومحمود حافظ والجميل بيومي فؤاد والجميلة ياسمين رئيس.

  • حدثنا عن تعاونك مع الفنان “حمدي المرغني” والفنانة “ياسمين رئيس”؟

أكيد طبعًا معظم المشاهد قمه في الكوميديا، التعاون مع حمدي وياسمين طول الوقت كنت بستمتع معاهم لأن حمدي كوميديان جامد جدًا، طول الوقت افيهات وضحك بالنسبة للأستاذة ياسمين هي طيبه جدًا ورقيقة وكنت بتبسط بالمشاهد اللي بتجمعني معاها.

  • ماذا أضافت لك تجربتك في التمثيل مع المخرج “رامي رزق الله”؟

تجربتي مع الأستاذ رامي رزق الله طبعًا تجربة مفيدة جدًا جدًا أستاذ رامي من أكبر مخرجين ممكن أشتغل معاهم ومن أحلامي طبعًا إن اشتغل معاه، وكل النصايح بتاعته أثناء التصوير أنا بنفذها بالظبط وهو إضافة لأي حد يشتغل معاه، ومبسوط أن اشتغلت معاه.

  • من هو مثلك الأعلى في التمثيل؟

مثلي الأعلى في التمثيل:النجم كريم عبد العزيز طبعًا، والنجم أحمد عز، والنجم محمد رمضان.

  • إلى جانب الفن ما هي هوايتك المفضلة؟

السباحة، وأنا موديل بروفيشنال لأكتر من براند وموديل في ديفيليه كيدز الدولي.

  • بعد فيلم “خطة مازنجر” ما هي أعمالك الفنية القادمة؟

إن شاء الله الفترة القادمة مشترك في مسلسل غرفة 207، شخصية مايكل مع ريهام عبد الغفور، محمد فراج مع المخرج الجميل الأستاذ محمد بكير.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!