الفن نيوزفن

داليا مصطفى لمذيعة “البخت”: “إنتِ مالك؟ تتدخلي في حياة عمرو دياب ودينا الشربيني ليه؟”

حلت النجمة داليا مصطفى ضيفةً بالحلقة الأولى من برنامج “البخت”، المذاع عبر قناة “الشمس”.

وخلال الحلقة وجهت مذيعة البرنامج سؤالًا لداليا، يقول: “تفتكري ليه عمرو دياب ودينا الشربيني ماكملوش مع بعض؟”.

لتعلق داليا، قائلةً: “والنبي؟!، بالذمة؟!”، لترد المذيعة: “وإيه المشكلة؟!، عمرو دياب نجم مكسر الدنيا”.

لتجيب داليا، موجهةً سؤالًا للمذيعة: “وإنتِ مالك؟، تدخلي في حياة اتنين إذا كانوا اتجوزوا ولا اتطلقوا”.

وردت المذيعة على داليا: “لما تبقى فيه مشاكل خاصة إحنا مش حاسين بيها، هما اللي بيطلعوا المشكلة على السوشيال ميديا، وهما اللي بيتكلموا هنا”.

وهنا وجهت داليا سؤالًا للمذيعة، قالت فيه: “عمرو دياب طلع اتكلم على السوشيال ميديا”، لترد المذيعة عليها: “لأ طبعًا، دينا بتتكلم في كل حتة”.

فعلت داليا، متسائلةً: “بجد؟!”، لتجيب المذيعة: “آه والله، وفي القعدات الخاصة، لتسألها داليا: “إنتِ مالك ومال القعدات الخاصة؟!، هما حرين”.

وقامت المذيعة بالرد: “مش قالت في برامج قبل كده؟، مش هما بيسمحوا إن يحصل بينهم أي مشكلة على العلن؟، إزاي أنا مالي؟”.

وأردفت: “أنا بتكلم على حاجة هما اتكلموا عليها”، وعلقت داليا: “ماعتقدش أبدًا إن عمرو دياب اتكلم”.

لتتابع المذيعة: “عمرو دياب مابيتكلملش، عمرو دياب بيبقى عارف هيرد إزاي، وفي الوقت المعين”، لتقول داليا: “مش هيرد أصلًا”.

وواصلت المذيعة: “لأ بيرد، بس بطريقته الخاصة، كلنا عارفين، بيرد بأغنية، إحنا عارفين كوبس أوي عمرو دياب بيعمل إيه، زمن المجاملة انتهى”.

وأوضحت داليا: “أنا مش بحب أتكلم على حد خالص”، فعلقت المذيعة: “أنا بقول رأيك، إنتي نجمة وفنانة”.

فعقب داليا: “أنا ما أنا بقولك رأيي أهو، أنا مابحبش أتكلم على حد، هما حرين في حياتهم، يعملوا اللي هما عايزينه”.

يشار إلى أن داليا كانت قد رفضت الإجابة عن سؤال، قبل هذا السؤال، يتعلق بالضجة المثارة حول النجم محمد رمضان.

يذكر أن آخر أعمال النجمة داليا مصطفى مسلسل “الحرير المخملي” مع مصطفى فهمي، والذي تم عرضه، خلال الموسم الشتوي الماضي، ولاقى نجاحًا كبيرًا.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!