الفن نيوز

أحمد سعد يؤدي مقطع “صدقيني” الشهير مع إسعاد يونس

ندا حيدر

أحمد سعدإسعاد يونسصاحبة السعادةسايرينا يا دنيا

استضافت الإعلامية والفنانة إسعاد يونس، خلال برنامجها “صاحبة السعادة ” المذاع عبر “قناة dmc” في الساعة الحادية عشر من مساء الأمس الفنان والمطرب “أحمد سعد”.

وبدأت الحلقة بالمزاح والضحك، إلى أن قام الفنان أحمد سعد بغناء مقطع “صدقيني لو بأيدي” مع تمثيل المقطع الذي اشتهرت به الأغنية على برنامج “التيك توك”.

وصرح الفنان أحمد سعد بأنه فنان متنوع ويحب مفاجأة الجمهور باستمرار، وذلك سبب تنوع أغانيه، وأن كل أغنية غير الثانية، مثل أغنية “عليكي عيون” وبعدها “سيرينا”.

وأضاف متحدثًا عن الأغاني الشعبية: “أنا بحبها وكنت عايش في منطقة شعبية، وتفاعلت مع الناس دي، وكنت واحد منهم.

وسرد موقفًا لإسعاد يونس عن أغنية “بحبك يا صاحبي”: “كان في فرح وابتديت أغني بحبك يا صاحبي، لاقيت كل المعازيم طالعة على المسرح، والمسرح وقع بينا، لكن ناس مهمهاش، بتكلم إن الناس دي أصيلة يعني لو رحتي أي منطقة في مصر بيبقوا فاتحين بيوت “والله لتتغدا””.

ووجه الشكر لصناع أغنية “سايرينا يا دنيا”: “في البداية عايز اوجه الشكر لإيهاب عبد الواحد، لان أغنيه “سايرينا” حستها إنها مش شبهي، بس لاقيت نفسي عايز أغانيها وأجربها، بس مكنتش عارف أعمل فيها إي، ولكن في الآخر وصلت للإحساس، وخليت الجمهور يتفاعل مع الأغنية”.

وأوضح الفنان أحمد سعد سر غنائه للتترات والرباعيات وأول عمل له مع عمار الشريعي، والذي كان في مسلسل “هيما”، قائلًا: “بسبب إن أنا بجسد دور البطل، وبحس بالبطل في الأغنية، فتلاقيني مجسد الدور بجد كأني أنا بطل المسلسل أو الفيلم، ودايمًا أنا بسأل إي هي القصة قبل ما أبدأ تسجيل الأغنية، وفي مسلسل “البرنس” كنت بعمل كده، بداية من أغنية البداية والنهاية والرباعيات اللي في النص”.

وتحدث المطرب أحمد سعد عن قصته مع المطرب راغب علامة، قائلًا: “أنا دايمًا ببقى عارف إن أي أغنيه لو منجحتش في ركن فيها يبقى مش موجود، ولو غيرنا مش هننجح، الأغنية اللي لحنتها لراغب علامة نجحت عشان بصوته، أنا كنت طالب فلحوس أوي وسط صحابي، وكنت عايش في عين شمس وطالب في المعهد، ومكنش عندي حاجة غير إني أسمع، كنت بسمع أغاني كتير وفعلًا لحنت أغنيه “طب ليه””.

 وأكمل حديثه، قائلًا: “أنا قولت للفنان راغب علامة الألبوم ناقص أغنية الهيد، طبعًا كلهم عايزين يعرفوا مين العيل الصغير، اللي بيقول كده، وقالي إنت بتلحن، قولتله لا بس لو عايز ألحن هلحن وفي 24 ساعة، وفعلًا لحنت الأغنية وفضلنا من باليل للصبح بلحن فيها”.

وأتم الفنان أحمد سعد: “أنا مكنتش أحلم ألحن أغنية للفنان راغب علامة، أنا كان نفسي أمشي جنبه بس في الشارع، ومكنتش عارف إن الأغنية هتعجبوا كده، آه كان عندي ثقة، بس مش للدرجة دي، ولكن الأغنية نزلت وكسرت الدنيا، وبعدها اكتشفت إني سارق نصها من الفنانة أصالة، وبعدها قولتله عندنا أحسن”.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!