محمد حنفي
ابدت السيناريست اماني التونسي إعجابها الشديد بمسيرة الهضبة عمرو دياب الغنائية، مشيرة أن عمرو دياب فنان وشخصية ناجحة ونموذج يحتذى به.
وقالت اماني التونسي عبر صفحتها الرسمية على موقع التواصل الإجتماعي فيس بوك قائلة “عمرو دياب بداية مسيرته سنة ميلادي، بالنسبة لي شخصية ناجحة جدا ومعافر وذكي وبتاع شغل اتعلمت منه كتير اوي من متابعته ، حتى اتعلمت اني مصنعش اله وانه بشر عادي زينا بيغلط ويمكن اكتر مننا بس، لما سمعته بيقول انا مافيش عشر سنين،حسيت نفس احساس لما يبقى عندك انكار ان ابوك ممكن يموت ، نفس فكرة بطل الفيلم بالظبط البطل في الفيلم ما بيموتش الاسطورة”.
واضافت “الحقيقه ان اي حد ساب وراه فن او علم او اي حاجة الناس حبيتها بيفضل عايش مابيموتش، عمرو دياب مش مغني عادي ده كل الذكريات معاه والعمر كله كان ملازمنا، هيفضل عايش سنين اكتر من اي فنان جه قبله وده بسبب انه ناجح والنجاح هو الاستمرارية وهو مجح انه يصنع حياة ليه بعد سنين كتير”.
واختتمت بقولها “كان حلمي احضرله حفلة واعرفه واشوفه من قبل ما ادخل الوسط الفني لكن بعد ما دخلت كان نفسي اشوف الانسان اللي نجح وسط اصعب ظروف في مجال النجاح فيه صعب جدااا، والحقيقة انه بالنسبالي مقياس نجاح، واتمنى اعمل فن واعمال تفضل تعيش بعد مماتنا، بعد الشر عليك ياهضبة هتفضل عايش ١٠٠ سنة”.
آخر أعمال السيناريست أماني التونسي
جدير بالذكر أن آخر أعمال السيناريست أماني التونسي، مسلسل بقينا اتنين، وهو من بطولة شريف منير ورانيا يوسف وعمرو وهبة وتامر فرج ومروة عبد المنعم وميمي جمال، وعدد آخر من الفنانين، ومن إخراج طارق رفعت.
وتدور أحداث المسلسل في إطار كوميدي درامي، حيث يتناول العمل قصة امرأة مختلفة تتحدى نظرة المجتمع لها، ومحاولة التصدي لتأثير قرار الإنفصال عليها وعلى اولادها الشباب وكذلك طليقها.
