✍🏻️مريم محمد خليل

كشف الفنان حسن يوسف عن علاقته مؤخرًا بالفن، وحقيقة إعتزاله بعد تصريحات زوجته الفنانة المعتزلة شمس البارودي، مؤكدة أن وفاة ابنه الراحل عبد الله أثرت عليه بشكل كبير.

وطمأن حسن يوسف جمهور من خلال تصريحات تلفزيونية: “أنا الحمد لله بخير وكويس، وبعد وفاة ابني الغالي عبد الله أخدت القرار فورًا؛ لأن الوجع اللي جوايا وجع الابن ربنا ما يكتبه على حد خلاني مقدرش أقدم أدوار اللي الناس اتعودت تشوفني فيها، وأنا لسه جوايا الوجع ده”.

وعن أعماله القادمة علق حسن قائلًأ: “مقدرش أقول غير الحمد لله، دلوقتي أنا مشغول بالقراءة ولو اتعرض عليّا عمل معنديش شرط غير إنه يكون ورق وأجر كويس إذا كان هيبقى فيه، لكن غير كده مفيش شهية للشغل، بعد وفاة ابني شفت إن التمثيل ملوش لازمة”.

حسن يوسف يتوجه بالشكر لجمهوره وأصدقائه

ووجه حسن يوسف الشكر لجمهوره، حيث قال : “بشكرهم على تعاطفهم معايا وإنهم شاركوني على فقد ابني، ولحد دلوقتي بيجيلي تعازي وطول عمركم جنبي ومش مقصرين في تشجيعي وإذا كنت عملت أعمال كويسة فـ ده بفضل تشجيعكم ليّا”.