✍️محمد حنفي
سيطر الحزن بشكل عام على أجواء السوشيال ميديا المختلفة بشكل عام خلال الفترة الحالية، وذلك بعد رحيل لاعب مودرن سبورت ومنتخب مصر السابق أحمد رفعت وذلك بعد تعرضه لنوبة قلبية حادة.
ردود فعل الوسط الفني حول رحيل احمد رفعت ورؤيتهم للكرة المصرية عامة
بدوره عبر عدد من نجوم الفن عن حزنهم واسفهم الشديد حول رحيل أحمد رفعت ، حيث قال السيناريست عبد الرحيم كمال “بكل روح رياضية سأتوقف عن مشاهدة مبارايات الكرة في مصر بكل أنديتها وأنواعها ودرجاتها وبطولاتها ، سواء اندية او منتخبات ، زمالك واهلي وكل الفرق دون استثناء والمنتخب القومي ، وكل ما يخص الكرة المصرية وما اشتملت عليه من استديوهات للتحليل وبرامج رياضية وقنوات واخبار وكل ما ينتمي لكرة القدم في مصر”.
بينما علقت الفنانة مروة عيد بقولها “أبسط رد فعل المفروض إنه يحصل هو تأجيل الماتشات ٣ ايام علي الاقل حداداً علي وفاة اللاعب المظلوم لكن لا حياة لمن تنادي الدنيا بتكمل عادي والناس مكملة عادي والعداد شغال والكلام مبيخلصش والجماهير بتتابع وبتتفرج عادي ، المفروض علي أقل تقدير الجماهير بقي تقاطع الماتشات وتبطل كوره وفرجه علي الكورة علشان الظلم تفحل علي جميع المستويات وفي كل المجالات ومفيش حد ظالم ومفيش حد مظلوم والبيضه ولا الفرخه ومفيش حد بيتعظ وعلي عينك ياتاجر والبجاحه وصلت لأسوأ مستوياتها وحسبنا الله ونعم الوكيل لنا الله ، وأخيرا ربنا يرحمك يا أحمد رفعت انت وكل المحترمين وكل الموهوبين اللي زيك في كل مكان , تعديل… أسفه علي الفقره الحزينة الكئيبه البائسه والشحنه السلبيه اللي طلعتها عليكوا يلا كلنا نكمل حياتنا عادي وانا أولكوا نقطه ومن أول السطر”.
فيما قال الفنان محمود عمرو ياسين “انا شايف ان الحمد لله احمد رفعت ربنا بيحبه و كان شخص محظوظ بانه ياخد كل الدعوات دي من مصر كلها مرتين مش مره , وانه يكون عنده فرصه انه يشوف حب الناس و زعلها عليه و دي حاجه الناس بتعيش و تموت مش بتشوفها , والحاجه الاخيره و الاهم انه كان عنده فرصه يقرب لربنا و ينتظم في الصلاه زي ما قال مع ابراهيم فايق حقيقي زعلان عليه و لكن مبسوط ل بي حب ربنا فيه ، ربنا يرحمه و يصبر اهله”.
بينما علقت الفنانة هبة عبد الغني بقولها “لا حول و لا قوة الا بالله العلي العظيم ان لله و ان اليه راجعون توفيي احمد رفعت لاعب مودرن سبورت .. البقاء لله ربنا يرحمك و يصبر اهلك و احبابك علي فراقك و يخلف عليك بخير من الدنيا و ما فيها و يرزقك نعيم يرضيك.”.
مسيرة احمد رفعت الكروية
وقدم احمد رفعت مسيرة لا بأس بها مع الأندية التي لعب لها ، حيث لعب لأندية انبي والزمالك والمصري والاتحاد السكندري ومودرن سبورت والوحدة الإماراتي ، وحقق ثلاثة ألقاب خلال مسيرته الكروية ، بجانب خوضه تسعة مباريات دولية مع منتخب مصر سجل هدفين.
