“خلتني أدمع ياسمسم” تامر حسني يرد على رسالة محمد سامي   

✍️شهد شاهين

حرص الفنان تامر حسني على الرد على المخرج محمد سامي بعدما وجه رسالة له يشكرة فيها على دعمه والوقوف بجانبه في مجال الإخراج عن طريق مشاركته صورة تجمعه بالفنان تامر حسني وذلك عبر حسابة الرسمي على موقع إنستغرام 

وعلق تامر حسني على بوست محمد سامي قائلا:” سامي يا حبيبي يابن الناس الطيبين، شكرًا من كل قلبي على كل حرف خارج من قلبك كتبته في حقي، خلتني أدمع يا سمسم”.

وتابع: “أولًا أنا صدقت موهبتك من وأنت صغير سنًا لأنك فعلًا موهوب موهبة مش عادية وتاريخ نجاحاتك يشهد بكده، كنت عارف وأنا بقدمك إني بقدم مكسب حقيقي للصناعة، ومن يوم ما سجلت رقمك على تليفوني وهو مكتوب سامي ابني، عشان كان إصراري على تقديمك كان بقلب أب مش صديق من سنك أب مصدق في إبنه وعارف إن الناس مش هيدوله فرصة يطلع عشان سنه صغير”.

وأستكمل: “الحمدلله برحلتك ورحلتي أثبتنا للدنيا إنها مش بالسن لأ!، بالمجهود والتعب والشطارة والمذاكرة وأنت كل الصفات دي كانت فيك وأنا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانة خاصة في قلوب الناس”.

وكتب تامر أعماله التي أخرجها محمد سامي قائلًا: مسلسل آدم، فيلم أهواك، فيلم تصبح على خير.

واختتم تامر تعليقه قائلًا: “ولسه إن شاء الله نجاحات جاية مستنيانا مع بعض، ربنا يوفقك يا حبيبي في كل شغلك اللي جاي وتكسر الدنيا وفي القمة زي عادتك، يا محمد شكرًا تاني على البوست الصادق ده شكرًا يا أصيل يا محترم، ربنا يخلينا دايمًا لبعض ضهر وسند”.

آخر أعمال تامر حسني مع محمد سامي

يذكر أن أخر أعمال تامر حسني مع محمد سامي فيلم ” تصبح على خير” وحقق الفيلم نجاح جماهيري وفني وتفاعل معه الجمهور تفاعل كبير منذ عرضه 

أبطال فيلم تصبح على خير

وشارك في بطولة الفيلم كلا من: تامر حسني، نور، مي عمر، محمود البزاوي، بدرية طلبة، درة، والفيلم من تأليف وإخراج محمد سامي

أحداث فيلم تصبح على خير

وتدور أحداث الفيلم فى إطار كوميدى حول مهندس يدعى “حسام الخديوى”، يعانى من مشاكل فى حياته الطبيعية فيلجأ إلى حياة بديلة وتتوالى الأحداث