حوار:نورهان مجدي الغنام
معتز سليم هوا مخرج و ممثل، تخرج من مدرسة السينما العربية و لديه العديد من الاعمال على مستوي الافلام التسجيلية وكان آخرهم،فيلم ” في السما طاير” الذي شارك في مهرجان الراديو النمساوي، بالإضافة إلي مهرجان المركز الكاثوليكي للسينما في دورة الافلام القصيرة ٢٠٢١.
و لدية العديد من الاعمال الفنية على مستوي التليفزيون و المسرح.
وقامت مجلة هافن بإقامة حوار مع المخرج معتز سليم حول الفيلم الوثائقي “رحمه بدون شروط” وكان نص الحوار كالآتي:
ازاي جتلك فكرة الفيلم؟
اولا الفكرة جاتلى بعد حضوري في مهرجان 2021 كان وقتها بيتكلم عن الرحمة بالحيوان و إن فيه ناس كتير جاية بحيوانات و اى حد عايز يتبني حيوان يجي و ياخدة فا استغربت ازاي حد يجيب حيوان من وهو صغير و بعد اما يتعود عليه يديه لشخص تاني بسهوله.
احكلنا قصة الفيلم؟
الفيلم بيحكي عن الرحمة بالحيوان سواء كان في الشارع أو في البيوت او في اي أماكن تانية مختلفة، و ان الحيوانات هي جزء من حياتنا ومش بنستغني عن عدم وجودها و اننا محتاجين نهتم بيهم و مانحاولش نأذيهم ولو حتي نفسيًا، مسؤولية كبيرة جدا لو مش عندك المسؤولية دي بلاش تشتريهم.
اي الرسالة اللي بتواجها للاشخاص اللي بتربي حيونات؟
الرسالة اللى بيقدمها الفيلم الرحمة بالحيوانات سواء في البيت او في الشارع و لو مش هاتتساعدهم سواء بأكل او شرب ما تأذبهمش و بلاش تشتروا حيوانات او تتبنوهم و بعد ما يبقي الحمل تقيل بتتخلى عنهم، وده الرسالة اللي الفيلم بيوصلها.
بدأت امتا تصوير الفيلم؟
التصوير بداية من سنة 2021 لاكتوبر 2024 و خلال الفترة دى تم التصوير في اماكن مختلفة كتير في مصر و زيارة اماكن مختلف من الاماكن لمأوى الحيوانات.
هل الفيلم هيشارك في اي مهرجان؟
الفيلم هيشارك في مهرجان المنامة في البحرين في دورتة الاولى، و كمان هيشارك في مهرجان life of filmmaker sessions 2024 في انجلترا، و في انتظار عرضة في مهرجانات اخري.
