✍️نورهان مجدي الغنام
يشارك محمد علي رزق في مسلسل “فات الميعاد” المقرر عرضه يوم 13 يونيو القادم، ويجسد رزق شخصية منعم، المسلسل من إخراج سعد هنداوي، تأليف محمد فريد، وشارك في هذا العمل كلا من أسماء أبو اليزايد، أحمد مجدي، أحمد صفوت، محمد أبو داوود، هاجر عفيفي.
وكانت لمجلة هافن حوار خاص مع الفنان محمد علي رزق وكان نص الحوار كالاتي:
كلمنا عن دورك أكتر في المسلسل؟
بعمل دور منعم وده دور جديد عليا لان يعتبر أول مرة أعمل شخصية شعبي.
ازاي حضرتك لشخصية عبد المنعم؟
حضرتها زي ما بحضر أي شخصية بقرا الشخصية كويس، و بطلع مفرداتها وببدأ أشوفها تمشي ازاي، و بتاكل ازاي، و بتتكلم ازاي و ببدأ أتدرب على ده.
كلمنا عن رأيك في قضية المسلسل والطلاق اللي بيكون بعده مشاكل؟
القضية مهمه جداً و مفيش عيله فمصر معندهاش المشكله دي.
كلمنا عن تعاونك مع أسماء أبو اليزايد وأحمد مجدي لأول مرة تعاونك معاهم؟
رغم اننا أول مره نتعامل مع بعض، بس احنا كنا أصدقاء قبل كده فكان الموضوع لطيف جداً، فكنا مبسوطين اننا هنمثل سوى.
إي نوع القضية اللي حابب تشارك فيها في أي عمل جديد؟
مافيش قضيه بعينها المهم يبقى دور حلو في إطار حدوته حلوه بغض النظر عن القضية اي هي.
إي أكتر عمل عملته وحسيته قريب جدا لشخصيتك؟
أكتر شخصية ممكن تكون فيها مني هو دور أكرم في “شبر مية”
كلمنا عن شخصية مراد في فيلم “في عز الضهر” وازاي حضرت للشخصية؟
شخصية مراد في الفيلم هو صحفي، و الصدفه بتوقعه في سبق صحفي بيمشي وراه.
هل في أي أعمال قادمه بتحضر ليها؟
انا حالياً اخذت أجازة بعد ماخلصت فات الميعاد، وخصوصاً إني لسه مخلص مسرح من “أقل من إسبوعين”.
