✍️سلمي سعيد
قدمت أوركسترا القاهرة السيمفوني تحت إشراف المدير الفني والقائد الأساسي المايسترو أحمد الصعيدي حفلا بقيادة المايسترو أحمد عاطف ومصاحبة كورال أكابيلا، وبحضور رئيس دار الأوبرا المصرية الدكتور علاء عبد السلام، وذلك على مسرح محكى القلعة قبل صعود النجم علي الحجار.
في لقاء خاص مع المايسترو أحمد عاطف أكد سعادته قائلا:
“مبسوط جدًا قدمنا عمل كبير وصعب وبقالنا فترة ماجناش مهرجان القلعة فأننا نقدم زوربا ومعانا الفنان الكبير هاني حسن راقص الباليه الأول وكورال أكابيلا والناس تتفاعل بالشكل العظيم ده فطبعًا شعور كبير”.
وعن كواليس التدريب قال:
“اشتغلنا مع أوركسترا السيمفوني واحد من أكبر وأعظم الأوركسترات ومع كورال أكابيلا لكن ضيق الوقت كان تحدي فاختصرنا العمل من ساعتين إلا ربع إلى حوالي 50 دقيقة وركزنا على الأجزاء اللي بتظهر قوة الأوركسترا والكورال ومع مشاركة الأستاذ هاني حسن اكتملت اللوحة الفنية”.
وعن مستقبله أضاف:
“مافيش خطط محددة لكن دايمًا لازم نكون شغالين ومستعدين لأي فرصة”.
وفي لقاء آخر مع راقص الباليه الأول بدار الأوبرا هاني حسن قال:
“تجربة جميلة ومثيرة قدمنا فن كلاسيكي للشعب المصري الذواق والموسيقى اليونانية قريبة جدًا من المصرية فالجمهور تقبلها بسهولة. ودي مش أول مرة أقدم عروض مفتوحة فقدمت قبل كده في مصر وخارجها ومنها سان كاترو في نابليو أمام 12 ألف متفرج وأتمنى التجربة تتكرر في كل أقاليم مصر”.
وأضاف:
“لسه راجع من ألمانيا بعد ما أخرجت عرض الجميلة والوحش وقمت بالبطولة، وقدمت دعاية لأولمبياد أثينا 2004 وعروض في 12 دولة، والحمد لله على النجاح والاسم العالمي”.
أما مطربة الأوبرا دنيا جمال من كورال أكابيلا فقالت عن تجربتها:
“مبسوطة جدًا، دي أول حفلة ليا في القلعة بعد 3 سنين في الكورال، ومتعودة نكون في دار الأوبرا لكن الجو هنا مختلف ورائع”.
