كتبت/ بسنت اشرف
تعرض الفنان إدوارد لعملية نصب باسم الفنان شادي خفاجة، وصرح بذلك عبر صفحته الرسمية على فيسبوك، معبّرًا عن استيائه من عمليات النصب التي تتم باسم الفنانين.
وقال إدوارد:”يا جماعة أنا اتنصب عليا في فلوس، الرقم ده بعتلي على إنه شادي خفاجة الممثل، وإنه متعشم فيا ومفيش شغل ومش لاقي ياكل، وأنا زي العبيط بعتله فلوس إنستا باي، وراح عاملي بلوك. وكلمنا بعد كده شادي، وطلع مايعرفش حاجة. خدوا بالكوا بقى من النصب باسم الفنانين، بقينا في زمن يقرف.”
ومن جانبه، صرح الفنان شادي خفاجة عبر صفحته الرسمية عن انتحال شخصيته في عمليات النصب والسرقة.
وقال:”وصلني خلال الأيام اللي فاتت إن في شخص بينتحل شخصيتي وبيتواصل مع الناس وبيطلب منهم معاملات مالية باسمي. للأسف تم استغلال طيبة الأستاذ إدوارد واتعرض لموقف غير مقبول.”
وأضاف:”أي حد اتعرض لنفس الموقف يا ريت يبعتلي التفاصيل في رسالة خاصة، علشان بجمع البيانات، والإجراءات القانونية بالفعل بدأت.”
وأكد خفاجة ضرورة التأكد من عدم التعامل مع أي رقم سوى رقمه المعروف والذي يستخدمه منذ سنوات، مشدداً على أن هذا التحذير لحماية الجميع ومنع أي استغلال.
