تسنيم أيمن.
كشف هشام عاشور في برنامج “تفاصيل” المذاع على قناة “صدى البلد2″ مع الإعلامية”نهال طايل” حقيقة أن أبناء نيللي كريم السبب في الطلاق، قائلاً: “كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي؛ لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصوروا ويقولوا أي كلام عشان يعملوا مشاهدات”.
هشام عاشور يؤكد على احترامه لنيللي كريم:
كما أكد إنه مازال يكنّ كل الاحترام والتقدير لطليقته الفنانة نيللي كريم قائلاً: “أنا مش حاسس إنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتطلق الحب بيختفي، لكن بيحصل تقصير في بعض الأمور وكان واضح أننا هنوصل لطريق الانفصال”.
وتابع الفنان هشام عاشور أنه “قبل زواجي من نيللي كريم وجدت بها طيبة مختلفة”، مؤكداً أنه “عندما عرضت عليها الزواج وافقت، وبعدها أتقال إني محطوط في خانة إني زوج نيللي كريم”.
تعليق هشام عاشور على لقب”جوز نيللي كريم”:
وعلق هشام، على لقب “جوز نيللي كريم”، قائلاً: “أنا معروف في العالم بتاعي لكن مرة واحدة طلعت لعالم كبير جداً”.
وتابع: “معرفتش أطلع منها ازاي فجأة بقيت زوج نيللي كريم، والخبرات دي أنا اتعلمت منها، أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش لأنه كان وقت حلو”.
كما أشار “عاشور” أن نيللي كريم حقانية ومش مجاملة وقالت إن: “زواجها مني ضرني أكثر من إفادتي”، مؤكداً أن نيللي كريم عمرها ما رشحتني في أي عمل فني ليها.
وأضاف: “وده لأن العالم بتاعها أكبر مني بكتير جداً، والناس عارفة إني أحرف واحد في الاسكواش وأنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصةً الدوري الألماني”.
تعليق هشام عاشور على ملابسه:
وعلق هشام عاشور على الحديث المستمر عن ملابسه قائلاً: “بصحى الصبح بشوف نفسى في لبس معين وشكل معين أنا إنسان عادى جداً بيحب الجمال ليه الناس متابعة حاجة زي كدا، الأفضل نشوف كل واحد شاطر في إيه ونطوره”.
ونصح هشام عاشور الجميع بالاستثمار في تطوير مهاراتهم معقباً: “متبخلوش على نفسكم في تطويرها”.
