✍️مريم عبدالناصر
احتفل إمام عاشور لاعب وسط النادي الأهلي، بفوز المارد الأحمر الثامن عشر على التوالي في مسابقة الدوري، وجاء ذلك عقب التغلب على البنك الأهلي بهدف نظيف، في مباراة الجولة 32 التي جمعت الفريقين مساء الخميس.
وكتب إمام عاشور عبر حسابه الرسمي على إنستجرام: “بعد ما خدنا أفريقيا وفي الوقت اللي المفروض نكون بنريح وبنفصل بعد موسم طويل وصعب لقينا نفسنا بنلعب ماتش كل 3 أيام في ضغط وتعب محدش يستحمله ورغم كده اللعيبة كلها رجالة وبتحقق رقم تاريخي بـ18 فوز متتالي”.
وأضاف إمام عاشور: “وهانت خلاص بإذن الله ربنا يكلل تعبنا ومجهودنا ده بالبطولة ونحتفل بيها مع الجمهور اللي واقف في ظهرنا والسبب الرئيسي في إننا ندوس على نفسنا ونطلع كل حاجة عشان خاطرهم وعشان النادي”.
واقترب الأهلي من حسم درع الدوري للموسم الحالي (2023 / 2024)، حيث ينقصه 4 نقاط فقط من أجل التتويج باللقب بشكل رسمي، بعدما اعتلى صدارة الدوري برصيد 75 نقطة وبفارق 5 نقط عن بيراميدز الوصيف، ويتبقى للأهلي 5 مباريات بينما يتبقى لبيراميدز 3 مباريات.
