حوار/ نورهان مجدي الغنام
شارك الفنان محمود إمام في مسلسل “إقامة جبرية” الذي تم عرضه في 8 يناير 2025، المسلسل من إخراج أحمد سمير فرج، تأليف أحمد عادل، وشارك في هذا العمل كلًا من هنا الزاهد، محمد الشرنوبي، صابرين، محمود البزاوي، ثراء جبيل، عايدة رياض، وشارك في مسلسل “فات المعاد” الذي يتم عرضه في الوقت الحالي على شاشة التلفزيون.
وقامت مجلة هافن بحوار خاص مع الفنان محمود إمام وكان نص الحوار كالاتي:
عرفنا أكتر عن محمود إمام وإزاي بدأت في مجال الفن؟
انا اتخرجت من كلية تجارة وإدارة أعمال، وأخذت كورسات كتير في التمثيل، وحصلت على دبلومة في الإذاعة والتلفزيون، بالإضافة لمساهمتي في الإخراج ولعبت عرايس على المسرح وغنيت، وبحب التصوير جدًا.
مين اللي شجعك لدخول مجال الفن؟
محدش شجعني انا اللي بدأت بنفسي من أول يوم شوفت فيه كلمه “مسرح” في الجامعة لقيت نفسي حابب ادخل أشارك معاهم، وبدأت مع المسرح.
كلمنا عن تجربتك في إقامة جبرية والحلانجي؟
لما كلموني في إقامة جبرية كنت مبسوط جدًا رغم إن الدور بسيط بس انبسط لإن الدور كان مختلف عليا، اللي هو الفقرات اللي بنشوفها في المسلسلات والأفلام أنه ينزل على رجله ويتقدم بالخاتم ويعرض عليها الجواز، فا قولت اجرب ده، والمشهد اتشاف حلو جدًا وطلع تريند، والمسلسل ناجح وأستاذ أحمد سمير فرج ده ثالث تعاون بينا اشتغلت معاه “المداح، والدايرة، وإقامة جبرية” فا أنا بحبه جدًا.
بالنسبة لمسلسل الحلانجي صديقي المخرج معتز حسام مبسوط بنجاحة وبحب الفنان محمد رجب فاظهوري كان أخر حلقة في المسلسل فا كانت مشاركة جميله ليا في رمضان.
حضرت إزاي لشخصية محمود في فات الميعاد؟
محمود في فات الميعاد كان انه موجود في دار الأيتام والأطفال فا ابتديت افهم الموضوع فاقولت لازم أكون طبيعي في المشاهد فا فضلت في اللوكيشن مع الأطفال وكنت بتكلم وبلعب معاهم، وأقعد اعيش الأجواء قبل المشهد عشان احس إني شغال في المكان بجد، والحمدلله الناس شافت الشخصية طبيعي جدًا وده حاجة فرحتني جدًا.
إي أكتر عمل فني عملته حسيته قريب لشخصيتك؟
اللي كان قريب من شخصيتي هو مسلسل “هوجان” دور سمير لان هو محاسب فا شخص صريح وصادق وبيقول الحق دايمًا فا ده شخصيتي.
إي الدور اللي حابب إنك تشارك فيه؟
حابب جدًا أشارك في أدوار تاريخية ودينية ويكون في رمضان.
إي أكتر عمل فني أتعرض اتمنيت تشارك فيه؟
في كتير جدًا أتعرض حبيته بس كان أقربهم “عمر أفندي” لان نفسي أعيش في جو الخمسينات والستنيات.
في إي أعمال قادمه ليك؟
حاليًا لا لسة مفيش إي حاجة جديده أقدر أعلن عنها.
