✍️محمد حنفي
قامت الفنانة ياسمين كساب بإرسال رسالة استغاثة ونداء للرئيس عبد الفتاح السيسي، مطالبة اياه بالانتباه جيدا لوضع المواطنين المصريين ذو الطبقة المتوسطة.
وقالت ياسمين كساب عبر صفحتها الرسمية على موقع التواصل الإجتماعي فيس بوك “سيدي الرئيس عبد الفتاح السيسي تحية طيبة وبعد .كانوا بيقولوا: إذا انهارت الطبقة المتوسطة… انهارت الدولة النهاردة إحنا عايشين ده بعنينا… الأسعار نار، والدخل ما يكفيش حتى الأساسيات، وبيوت كتير بقت بتدور على كسرة العيش مش على طموح.
واضافت “سيدي الرئيس الطبقة المتوسطة اللي كانت عماد البلد، وميزان الأخلاق، وحصن الثقافة… بتختفي. ومع اختفائها، بقت الأخلاق تنهار، والسرقة والنهب بقت عيني عينك ومعاهم المبررات: “إحنا مش قادرين نعيش بالحلال”.
وتابعت “سيدي الرئيس لما الطبقة المتوسطة تنهار… مفيش بلد، مفيش دين، مفيش ثقافة. الموضوع مش مجرد أرقام في تقارير… الموضوع بقى جارح للكرامة، وقاتل للنفسة الفقر في الوطن غربة… والغنى في الغربة وطن علي بن أبي طالب إذا ضاق العيش، اتسعت الحيلة وما الفقر إلا الموت قبل الممات وما الغنى إلا الحياة الكريمة”
واختتمت بقولها “إحنا بندفع فاتورة مش بتاعتنا، وبنحاول نصمد عشان نفضل واقفين… لكن التعب دخل كل بيت، والأمل بيضعف مش بنطلب رفاهية، ولا أحلام بعيدة… إحنا بس عايزين نعيش بكرامة، ونقدر نربّي ولادنا من غير ما نمد إيدينا أو نكسر نفسنا”.
آخر أعمال الفنانة ياسمين كساب
جدير بالذكر أن آخر أعمال الفنانة ياسمين كساب فيلم ماما حامل، وهو من بطولة ليلى علوي وبيومي فؤاد وحمدي الميرغني ومحمد سلام وهدى الاتربي ونانسي صلاح، وعدد آخر من الفنانين، تأليف لؤي السيد وإخراج محمود كريم.
وتدور أحداث الفيلم في إطار كوميدي، حيث تقع خلافات كوميدية بين الآباء والأبناء، وذلك بسبب رغبة الوالدين في رؤية أبنائهما عاصم وباسم متزوجين ولديهما أسرة وأطفال مثل كل الشباب، لكنهما لا يرغبان في هذا الأمر، إلى أن تنقلب الأحداث رأسًا على عقب عند علمهما بحمل والدتهما سمية وإنجابها لتوأم.
