✍️سلمى شافعي
حقق المطرب رامي جمال نجاحًا جماهيريًا وفنيًا كبيرا في الآونة الأخيرة، ويتميز رامي جماله بصوته العذب الهادىء الذي يصل إلى قلوب محبيه كبارًا وصغارًا فور سماعهم أوائل أحرف أغانيه.
وتألق رامي جمال في هذا الموسم الشتوي بباقة من أروع أغانيه، والتي حققت نجاحًا كبيرًا في فترة وجيزة وتصدرت هذه الأغاني مواقع التواصل الاجتماعي المختلفة.
ومن ضمن هذه الأغاني أغنية “ابن امبارح”، وتتميز هذه الأغنية بالطابع الدرامي الذي يتميز به دائمًا رامي جمال، ويصل إحساسه لجمهوره ومحبيه بكل سهولة وصدق.
وتصدرت الأغنية تريند موقع الفيديوهات العالمي “يوتيوب”، وتصدرت المركز السابع.
وكان لمجلة “هافن” تصريح خاص من مؤلف الأغنية “مودي نبيل”، والذي كشف لنا فيه عن تفاصيل هذه الأغنية كما أنه وجه رسالة شكر لرامي جمال.
وأعرب مودي نبيل عن فرحتة البالغة بتصدر الأغنية التريند، وعلق مودي نبيل قائلًا:”تفاصيل الأغنية
كتبتها في طريقي وأنا مسافر في العربية، وكانت أجواء شتوية مقربة لقلبي، وبحب الكتابه فيها، خلصت كتابتها في نصف ساعة”.
وتابع:” الأغنية ليست عن تجربة شخصية، أنا في العادة نادرا لو كتبت عن حالة شخصية بعيشها بس الإلهام جالي من حالات لناس مرت بالكلام فجسدت الكلام في الشكل اللي طلع في الأغنية، وكلمت صديقي الملحن العبقرى فارس فهمي، ووريته الكلام الحقيقة لحن الكلام في وقت قياسي بتوفيق من ربنا وكمل خطوات العمل بتوزيع الأغنية مع الموزع المبدع محمد شفيق وكلم رامي جمال سمعه الأغنية، وعجبت رامي جدا والحمدلله غناها ونزلت عشان بفضل ربنا تحقق نجاح كبير في أول يوم من طرحها في الأسواق”.
رامي جمال والشاعر مودي نبيل
وأضاف مودي نبيل عن المطرب رامي جمال:”الحقيقة الفنان رامي جمال تعامله منتهى التقدير والدعم والشياكه معانا، ومع كل موهوب فاتح بابه لكل موهبة حقيقية، وحابب أشكره من قلبي على ثقته في موهبتي وفخور أني سمعت كلامي بصوته اللي بحبه وكان هدف عندي من زمان أن التوربيني رامي جمال يغنى من كلامي والحمدلله حصل، وأغنية ابن امبارح أول تعاون ومش الأخير، وأتمنى أقدم معاه أعمال كتير ويكون لي الشرف”.
وتابع مودي :”من أول يوم كنت واثق أنها هتدخل التريند لأن رامي جمال كل أغانيه بتحقق نجاح كبير وبتدخل التريند من أول نزولها، وطبعا كنت بتمنى من ربنا النجاح في الأغنيه لأنها أول تعاون ليا مع السوبر ستار رامي جمال ونجاحها مهم جدا ويفرق معايا كتير، والحمدلله ده حصل بفضل ربنا وإجتهاد رامي جمال وكل فريق العمل اللي طلع الأغنية في أفضل شكل”.
وعن رأي مودي نبيل في الانتعاشة الفنية الغنائية التي أكتسحت الساحة في هذه الأوقات، قال:”أغاني كتير نزلت حققت نجاحات كبيرة والسوق أنتعش بفضل الألبومات والأغاني السينجل اللي نزلت، ودا يرجع الصناعة تاني أقوى ويخلينا دايما في ريادة الفن العربي، عجبتني أغاني كتير مثلا للهضبة سلامك وصلي، وأنت مبتغيبش ومعرفش حد بالاسم دا، ورامي جمال أغنية وفات سنين، وجيت متأخر وأهي مشيت ديو مع أحمد فريد، وأصالة أغنية فوق ورامي صبرى بين الحيطان وتامر عاشور هيجيلي موجوع وأصحى للكلام وأغاني كتير”.
أغنية “ابن امبارح”
أغنية ابن امبارح تصدرت التريند السابع عبر موقع الفيديوهات العالمي “يوتيوب”، بعد 4 أيام من طرحها، وتقترب من تحقيق نصف مليون مشاهدة.
الأغنية من غناء رامي جمال، ومن كلمات الشاعر مودي نبيل، ومن ألحان فارس فهمي، وميكس وماستر محمد شفيق.
كلمات أغنية “ابن امبارح”
مقربتوش في يوم مني
ده كان يسمع يادوب عني
وغلطة عمرى هي أني
أنا اللي عليا كبرته
وماشى يا عينى من خيبته
يقول للناس أنا سيبته
وناسي زمان منين جيبته
ياريتني ساعتها صورته
بقى ابن امبارح الغلبان
بيتكلم وعنده لسان
ده كان عامل ملاك بجناح
لكن معلش أنا الغلطان
بلعت الطعم وأتشديت
وقرب مني واهتميت
طلع كداب وفيه أتخميت
ووشه التانى فعلاً بان.
دة قرب من اللي يعرفني
زمان كان لما بيشوفني
بيجري عليا يوقفني
وعايز جنبي يتصور
هسيبه في بعدي يتألم
وبكرة مسيره يتعلم
يشوف على مين بيتكلم
هيجي عليا بيدور
مكنش يطول يعيش جنبي
وقلة أصله مش ذنبي
كبر دلوقتي على قلبي
وشايف نفسه ع الأخر
أهو اللي ف صوته بيعلي
ده كان يتمنى يوصلي
دي وسعت منه بيقولي
هايمشي كأنه مش فاكر.
يذكر أن من أبرز أعمال مودي نبيل أغاني ياجبروته، متعشم في مين مع النجم محمد شاهين، وأغنية عسل أبيض مع النجمة رنا سماحة، وتلك هذه الأغاني حققت نجاحًا جماهيريًا كبيرًا.
الجدير بالذكر أن أجتمع الثنائي مودي نبيل ورامي جمال في عمل غنائي جديد، ومن المقرر طرحه قريبًا، بعد نجاح أغنية “ابن امبارح”.
