حسن عيد هو ممثل شاب ظهر في فيلم”سنة اولى خطف ” من إخراج إسامه عمر والذي تم عرضه في 2023، ويخوض السباق الرمضاني المقبل بمسلسل محارب والذي يكون التعاون آخر له مع حسن الرداد بعد فيلم “مولد وصاحبه غايب” وغيره وفي هذا السياق كان لمجلة هافن هذا الحوار الممتع معه
حدثني عن تفاصيل دورك في مسلسل محارب؟
انا بعمل دور راجح راجح دة ابن عم عزيز اللي بيقوم بدوره حسن الرداد ومن خلاله هنشوف صراعات ومشاكل ومابينه وبين ابن عمه
ماسبب حماسك للمشاركة في المسلسل؟
سبب الحماس ان المسلسل فيه نجوم كتير وحسن الرداد فيه كيميا بيني وبينه واشتغلنا مع بعض كتير والورق كاتبه محمد السيد بشير طبعا شيرين عادل اشتغلت معاها مسلسل بطولة حسن اسمه مولد وصاحبه غايب قبل كدة والحاج احمد السبكي فالمسلسل متكامل إنتاجيًا وإخراجيا وفنيا وكل حاجة يعني والدور كمان كويس
ماهو أصعب مشهد من وجهه نظرك في تصوير المسلسل؟
واللهي المشاهد كلها صعبه لان الجو بتاع الصعيد واللهجة الصعيدية وساعات بيبقى في اكشن وضرب وحاجات كدة
كيف كانت كواليس تصوير المسلسل؟
كواليس المسلسل من اكبر واحد لاصغر واحد كله بيحب بعضه الكواليس كلها جميلة الناس كلها عايزة تطلع احسن حاجة مخرجة زي المخرجة شيرين عادل قائدة العمل هي بتدير العمل وبتوجه مخرجة تقيله وهو دة اللي مخلي كواليس المسلسل كويسة بين الناس كلها
كيف كان التعاون مع الفنان حسن الرداد؟
التعاون مع حسن الرداد مش هقدر اوصفه لان احنا دفعة واحدة واخوات واشتغلنا مع بعض كتير جدًا ففي كيميا بينا وبين بعض يعني في كيميا جميلة يعني
هل توقعت ردود أفعال الجمهور قبل عرض المسلسل ؟
والله رد فعل الجمهور لحد دلوقتي حلو جدًا والدعاية اللي معمولة بسبب إن حسن نسي الاسامي سهوًا كدة فبدات الناس تتكلم فبدات الناس تهتم بالمسلسل اكتر فالمسلسل عمله دعاية كويسة اليومين دول
هل يوجد أعمال جديدة في الفترة القادمة؟
في مسلسل ب100 راجل عامل دور عابد ولد ماسك موقف ميكروباص ودور جديد برضو المسلسل تأليف اخويا ودفعتي محمود حمدان وإخراج إبرام نشأت وانتاج ممدوح شاهين
