✍️أميرة محمد
علق الفنان بيومي فؤاد، عن سبب حبه لعمله وشهرته قائلا: “بحب الشغل من أبويا، وقعدة البيت وحشة قوى، ومن قبل الشهرة كنت بعمل 3 مسرحيات في اليوم، وكنت الصبح موظف حكومي، وكنت راضى بحالى، وطول عمري بعمل على مسارح الدولة، ومش بتتصور وجمهورنا كان قليل”.
وأضاف بيومي خلال حواره مع الإعلامية إسعاد يونس، عبر برنامجها صاحبة السعادة المذاع على قناة دى إم سى:” كان أول أجر لي في مسرحية قبل زواجى مدتها 15 يوم، 750 جنيه في 2008، ومراتى قالت لى سنة السعد 2013، وبالفعل كانت سنة السعد ومصر عرفت بيومي”.
وتابع:” بسبب السمنة عندى مشكلة في رجلى مبقدرش أقف لمدة دقيقتين لأن فيه وريد في الضهر بيوصل الدم لرجلى لما بطول في الوقوف بيضيق وبيخلى الدم يقل في رجلي، ومبقدرش أقف ولازم أقعد، وتواصلت مع دكاترة من برا، ولكن مفيش وقت عشان أروح لهم”.
وأوضح :” أولادى أكتر نقاد لي وبيشوفوا الأعمال بتاعتى ويقيموها، وهما الوحيدين اللى مش هيخدعونى، وبعترف أن فيه أعمال كتير بعملها وكنت غير راضى عنها، ولما بروح يوم بصور فيه في أى عمل حتى ولو ضيف شرف، بيبقى فيه 30 مشهد بيستغلوني.
