✍️نورهان مجدي الغنام
حضر الفنان حمدي بسيط العرض الخاص لفيلم عصابة الماكس الذي كان من إخراج حسام سليمان، تأليف رامي علي، أمجد الشرقاوي، وشارك في هذا العمل كلًا من أحمد فهمي، روبي، محمد أسامة، حاتم صلاح، لبلبة، أحمد فهيم.
أثناء لقاءه مع مجله هافن تحدث عن تحضيره للشخصية وكواليس فيلم “عصابة الماكس”:
تحضيرات الفيلم خدت منك قد اي؟
الفيلم كانت متعب جدا وانتوا هتشوفوا ده في المشاهد، وهو مش مجرد فيلم كوميدي وخلاص، بس ان شاء الله المجهود ده يطلع حلو وبشكل كويس على الشاشة، وانبسط جدا بتحضيرات الفيلم ده، لاني كنت في مع أصدقائي واشتغلنا على الفيلم وتعبنا وجربنا حاجات وحاجات اتشالت، وكنت مبسوط إننا كنا في العصابة.
أغلب المشاهد كانت حر صح؟
اه اغلب المشاهد كانت حر اوي الصراحة واحنا لبسين شتوي.
في مشاهد حرفيا انا كنت بموت فيها بسبب ان في مشاهد كتير كنا بنصورها الصبح خارجي فا كانتي الجو حر جدا واحنا لبسين شتوي فا الموضوع كان مرعب اوي بس ان شاء الله الناس تشوف حاجة حلوة.
سمعت أن كان في مقالب في الكواليس؟
اه طبعا كان في وخاصة اوس اوس، اوس اوس بجد مش طبيعي معانا في اللوكيشن كل حاجة واخدها بتهريج، وكل حاجة واخدها بهزار ومقالب وانا من النوع اللي هو تمام نهرج وكل حاجة بس اديني تالت دقايق اركز بس، بس انا مبسوط إني كنت معاه في الفيلم ده.
اي أصعب مشهد قبلته في الفيلم؟
أصعب مشهد بالنسبالي كان مشهد الألغام، لإننا كنا بنصور في عاصفة ترابية.
اي الأفلام الا انت متحمس تتابعها؟
كل الأفلام حرفيا متحمس إني اشوفها، لأن انا من جمهور السينما، فا شايف انه سيسون قوي، يعني في أربع أفلام قوية وفي لسة أفلام تانية قوية هتنزل، فا الناس تتفرج وتنبسط ومتحسبش اي قبل اي واي بعد اي.
خايف من منافسة انهي فيلم؟
أنا مش بحسبها منافسة انا بحسبها استمتاع ممكن أكون عايز اتفرج على التلت أفلام اللي موجوده او أربعة على حسب اللي موجود زي زي الجمهور العادي، فا انا مش خايف من منافسة اي فيلم لاني مبسوط بالإفلام اللي موجوده، ومبسوط اكيد بفيلمي، وأن شاء الله الفيلم يعجبكوا.
