“بفضل والدي قدرت أحقق نجاح في أكثر من مجال” علي أدم في حوار خاص مع مجاله هافن.

✍️نورهان مجدي الغنام

علي أدم ضابط جوي ابن اللواء محمد أدم “لواء طيار” تخرج من كلية نظم ومعلومات، حصل على تميز في أكثر من مجال منهم، الرياضة والتغذية، التصوير، الطيران، يبلغ من العمر ثلاثين عام، وقامت مجله هافن بحوار خاص معه.

وكان نص الحوار كلأتي:

عرفنا أكثر عن نفسك؟

أنا خريجي نظم ومعلومات لما جيت دخلت الجامعة مكُنتش داخل بإرادتي مكنش اختیار فضلت فترة درستي و أنا بشتغل في تنمية مشاريع، كنت فاتح محلين لبس بعد سنة من فتح المحل حصلت عندى مشاكل وإضطريت أقفل المحلين، بعد كدة واحد صديق لوالدي عرض عليا فكرة مشروع تانية وهي محل موبيلات وكنا من أوائل الناس اللي تنزل فى منطقة توكيل أوبو، وكان عندي محل كبير الهرم اسمه “آدم ستور” كل ده كان خلال فترة دراستي في الجامعة.

فضلت سنتين في المشروع ده بس متوفقتش وقفلته برضوا، وطول الفترة ده مركزتش غير في دراستي وبس لحد أما اتخرجت، وقبل تخرجي بسنه كده كنت حابب أشوف حاجة أنا بحبها وأعملها غير نظم ومعلومات. 

إي هي الحاجة اللي كانت حلمك؟

حلمي كان الحاجة اللي أنا فيها حاليًا ظابط مراقب جوي ده حاجة كان نفسي فيها من زمان والحمدلله ربنا رزقني بيها وانا كبير شوية، ولما بدأت ادور على الحاجة اللي الاقي فيها نفس، ويكون أسلوب معيشي حلو ويحطني في مكانة مرموقة في المجتمع، انا كنت بحب أطور من نفسي وأنا صغير، لقيت ان ممكن استغل الامكانيات اللي فيا عشان أوصل لحاجة حلوة.

 اي المجال الثاني اللي بدأت فيه؟

بدأت في مجال الرياضة والتدريب في الأول بدأت أتمرن على نفسي الأول مكنتش لسه حصلت على أى شهادات، مكنتش أعرف إي حاجة أو مجال الرياضة دة عبارة عن اي، والناس إزاي بتبنى لنفسها جسم وبتهتم بصحتها.

فابطريقة غير مباشرة كنت بتمرن وبعلم نفسي بحاول أقرأ وأدخل على النت وأتعلم من كباتن كبار كنت بقعد جنب كل واحد شوية يعلمني حاجة، لحد مابقيت أسعى وعملت شيب وعملت فورمه ده كان في أوائل 2017.

وقررت أخد شهادات في المجال ده وحصلت على شهاده “cft” بدأت المجال ده من الصفر خطوة خطوة وبقيت بطور نفسي وبشتغل في جيمات “clas A” ومع الوقت بدأ الناس اللي بمرنهم يعملولي كومنتات عند ناس في مجال الرياضة وأماكن إنترناشونال.

بعد كده روحت gold gym اشتغلت في أول فرع كان في المهندسين بعدها روحت فرع 6 أكتوبر ده أكبر فرع ليهم، ولان كان في ثقة بيني وبين مديري في الجيم كان بيديني تاسكات أكبر من سني وكنت بخلصهم وهو له الفضل إني أعمل اسم في المجال ده، وبعد 6 سنين مشيت وروحت جيم تاني ” فيت هاب” ندمت وقتها إني سيبت جولدن جيم، مكنتش مبسوط نهائي، كان فيه ظلم مكنش بيقدر الناس كويس، فضلت معاهم سنه ونص.

أمتا أكتشفت شغفك في التصوير؟

من وقت الجامعة وأنا بحب التصوير وبدأت أشوف الناس البروفيشينال بتصور إزاي، المشهورين والموديل بيصوروا نفسهم إزاي.

بدأت أتعلم إزاي بعد أما أصور حاجة أعملها مونتاج ومونتير، وأروح لأصدقاء يعلموني وبدأت أنا اللي أصور نفسي بدل اما أروح لشركة ميديا.

وكنت واخد الجيم أتصور فيه لانه كان متوفر فيه كل الإمكانيات ده.

لما بدأت في الجيم والتغذية إي المعلومات اللي كنت عارفها واكتشفت إنها غلط؟

أنا في الأول كنت واخد المجال هواية مش متمكن أوي كنت بأخد معلومة من صديق من كابتن كبير فا هنا كنت مقتنع إني بفهم ومعلومات عامه عن التغذية وكده كانت مرة تصيب ومرة تخيب لمده 3 سنين، بس بعد أما اخد كورس “cft” أكتشفت إني بقالي سنين مش بفهم حاجة خالص لكن بدأت أكون متمكن وفاهم كويس في التغذية والجيم.

أمتا بدأت مجال التصوير؟

بداية التصوير ده كانت آخر فترة ليا في “فيت هاب” معاد دخولي الجيش وقدمت خدمه عسكرية ومن حسن حظي خدمت في مكان كان موفر ليا أن أقدر أشتغل شغلانه تانية برا، ووقتها ربنا كرمني بمؤسسة رياضية ناجحة جدًا اسمها “Aus” هما اللي ساعدوني في المجال ده.

بدأت أتطور في التصوير من واحد بيصور نفسه لحد بقا بروفيشنال في التصوير، وبدأت أجمع أصحابي واحد تصوير، وحد مونتاج ومونتير، وهو حاليا أشطر مونتاج في جمهورية مصر العربية وشغله بيتكلم عنه، وحد فوتوجرافي.

وبدأنا نطور مع بعض لحد مابقا لينا شركة ميديا ولينا سابقة أعمال حلوة في السوق.

مين اللي دايما كان بيساعدك ؟

بيرجع الفضل لوالدي اللواء محمد أدم “لواء طيار متقاعد كان لواء مطار شرق القاهرة الجوي” كان كريم معايا علطول عمره مابخل عليا بحاجة، كان بيعلمني ويقولي افتح مشاريع وأخسر رغم انه كان عارف إني معنديش إي خبرة.

كان يروح يحط مبالغ ويفتحلي مشروع ويسبني أديره واخسر واقوله أنا خسرت والمحل اتقفل كان يقولي افتحلك محل غيره، وعمره مازهق مني، ورغم والدي كان شديد كان دايما بيقف معايا علطول، ومنغيره وبسبب تربيته مكنتش دخلت في أكتر من مجال وعملت اسم ليا.

كلمنا أكتر عن مجال شغلك حاليا وبدأت أزاي؟

في يوم لقيت ولدي بيقولى انا عايزك تجهز نفسك عشان هدخلك في حاجة الفترة الجاية وده محتاج مجهود جامد منك، وخلى الفلوس الكتير دة عليا انا وانت المجهود، فاقلي هتقدم في فرقة ضباط مراقبة جوية، وده كان حلمى من لما كنت عيل صغير، دخلت الكشف الطبي والنفس واجتازت بتقدير عالى، وبعد 8 شهور بلغنى والدى إني اتقابلت ودخلت مراقبة جوية سنتين في ٦ أكتوبر.

تحت راية وزارة المطار المدني واتخرجت في 18/ 2 اللي فات وكرمني وزير الطيران المدني.

مابين طيران و تصوير و رياضة وتغذية إي أكتر حاجة بتلاقي نفسك فيها؟

الأقرب لقلبي التمرين والرياضة بس برضوا بحب التلاته وبخلصلهم، وحاليا كل تركيزي ومذاكرتي في الطيران وشركة الميديا، وبقا عندنا تيم فا الدنيا بقت خفيفة شوية، كمان لسة ناس كتير كانت بتدرب معايا ومازالوا موجودين كمان بدرب والدي والدتي وزوجتي.

إي النصيحة اللي تقدر توجهة للشباب اللي بتبدأ في كرير معين؟ 

كل واحد يشتغل على نفسه وكل واحد يخرج أحسن حاجة فيه يستغلها، شباب بقت بتفكر في الشغل السريع محدش بيفكر في إمكانيات نفسه احنا عندنا في مصر عقول رهيبة في جميع المجالات الشباب هي اللي هتقوم البلد وهتخليها في حته تانية خالص أحنا اللي هنخلي العالم كله يحتاج لينا في أي مجال من المجالات، وبلاش إي شاب يتحط في حاجة هو مش حاببها.