✍️كتبت : ميرنا أشرف.
بعد الإتهامات اللي واجهت الفنان تامر حسني بعدم دعمه للقضيه الفلسطينيه وكلام وردود أفعال الجمهور علي إعلانه لشركة شيبسي هكذا كان رده.
منشور تامر حسني:
مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الاخير
اولاً .. انا على قوة الشركه من سنتين قبل اي احداث و ده مش اول اعلان ده ثالث اعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله
ثانياً .. انا مضيت على عقد مكتوب فيه ان شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي
ثالثاً .. و الاهم لاي حد بيشكك في انتمائي للقضيه الفلسطينيه هقوله انا من ٢٠ سنه و انا في ضهر القضيه و مش كلام و اغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!
اخيراً …. انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في ظل ظروفنا الاقتصاديه و اظن ده واضح في الاعلان .. ده كان شعوري الشخصي اتجاه الحمله وانا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع.
آخر أعمال الفنان تامر حسني.
طرح نجم الجيل تامر حسني أحدث أغاني ألبوم “هرمون السعادة”،وهما “موضوع رجوعنا”، و”ولا يهمك ” وأستطاع أن يحقق من خلالهما نجاحًا كبيرًا.
تامر حسني يتربع على عرش “يوتيوب”
وأستطاع أن يتربع علي عرش “يوتيوب “بالأغنتين ، حيث تصدر بموضوع “رجوعنا” المركز الأول، و”ولا يهمك” المركز الثاني.
وطرح أيضًا تامر حسني كليب “ولا يهمك” ووجه في الكليب حديث لفتاه تعرضت للأذي والخيانة من حبيبها وصديقتها سويًا فيوجه لها حديث أنها تنسي الإثنين معًا وتبدأ حياتها من جديد دون الرجوع لأي منهما، وأغنية “ولا يهمك” هي من كلمات وألحان وإخراج تامر حسني وتوزيع عبد الرحمن شوقي
