✍️محمد حنفي
كشف المطرب شادي شامل عن تحضيراته المكثفة لعمل فني جديد ، والذي من المقرر أن يظهره للنور خلال الأيام القليلة المقبلة.
ونشر شادي شامل صورة له مع الفنانين لؤي وجاد شويري ومصطفى مدحت عبر صفحته الرسمية على موقع التواصل الإجتماعي فيس بوك قائلا “لؤي..چاد شويري..شادي شامل..مصطفى مدحت قريبا”.
تفاصيل تصريحات شادي شامل في برنامج خلاصة الكلام
وحل الفنان شادي شامل مؤخرا ضيفا على برنامج خلاصة الكلام من تقديم الإعلامية أميرة بدر وذلك عبر قناة النهار عن استخدامه للبوتوكوس بقوله “انا لازم احب نفسي ، وواثق في نفسي مش غرور ولا تكبر ، بصحى الصبح ابص لنفسي في المرايا وادلع”.
واضاف “شكلي اتغير عن زمان انا عامل بوتوكوس ، عملت الفيلر مرة واحدة من كام سنة ، كل فنانين مصر بيعملوا بوتوكوس كل الفنانين الرحالة بيعملوا بوتوكوس ، مش عيب الراجل يهتم بنفسه ، ولازم قدام الست يبقى شكله كويس”.
شادي شامل يوضح رأيه في انتشار ظاهرة الإلحاد
وقال شادي شامل عن انتشار ظاهرة الإلحاد “لا اتقبل هذا الكلام واقابل أشخاص كتير كده فيه ناس بكلمها بالحجة بيقتنعوا وساعات فيه ناس مينفعش تدخلي معاهم في جدال ، يقولك انا لا ديني ويقول مفيش ربنا استغفر الله العظيم وحاجات كتير لا ادخل في هذا الجدال ، ادخل في جدال لما الاقي حد مهزوز وحجته هبلة”.
وعن ارتداءه للحلق قال شامل “إن كثيرا من الفنانين كانوا يرتدون الاكسسوارات ، احمد رمزي كان بيلبس سلسلة ؤ مش دايما بلبس حلق انا مش خارم ودني اصلا ، ساعات بلبس الحلق كدا”.
وتحدث شادي شامل عن علاقته بوالده وأبناءه بقوله “مكنش بيمد ايديه ، نادرا جدا وكان صارم في أمور اتهولل يمكن اقوله انت ولازم اقول حضرتك”.
واضاف “كان لازم ابوس ايديه ومينفعش ابدا اكل على السفرة غير لما هو يجي ومينفعش اقوم غير لما يقوم ، ولازم اغسل طبقي وبشكره دلوقتي على الشدة دي اللي عمله صح ، وحنية الدنيا كانت فيه ، لما كبرت بقينا أصحاب”.
وعن أولاده قال شامل “بعامل اولادي بطريقة مدلعة شوية ، تخاف مني وتهابني بس من النظرة نفهم ، فيه تربية جديدة ، بعيدا عن الضرب فيه احترام”.
وتابع “طول عمري ملتزم بالصلاة ساعات كنت بقصر غصب عن الواحد ، ودلوقتي ممكن يكون التقصير اني بصلي الفروض اللي مصلتهاش قبل ما انام ، امي علمتني حاجة حلوة اوي وهي الاستغفار بقعد استغفر كتير جدا”.
