✍️ يوحنا عزمي
لية مصر اكتر دولة فى العالم أرتدت وباء الإسلام السياسي وفيروس الإرهاب الإسلامي ، خد بالك ايوا إحنا اكتر دولة حتى مقارنة بـ افغانستان وإيران ، ليه ؟
عشان الدول دي اتسلمت لحكومات إخوانية إسلامية إنما انت فى مصر حرفيا الإسلاميين لم يحكموا مصر إلا سنة واحدة فحسب ، ومع ذلك وباستثناء تلك السنة فأن وباء الاسلامجية تمكن من المصريين وحتى لو كان فيه ناس مش إخوان فهما مرجعية دماغهم إخوانية بل ويمارسون اللاخوانية بتعريف إخواني خالص.
البعض خصوصا اليسار بفلوس من إيران والبعث السوري بل وحتى بمخطط أمريكي غربي بيتهم السعودية والسادات فى السبعينات وبيجيب لك صور من ايام الملك فاروق والرئيس عبد الناصر ، ويقولوا لك مصر قبل الغزو الوهابي وقبل السبعينات او حتى قبل ثورة 23 يوليو 1952.
المنطق الساذج ده هو نفس منطق العالم الساذجة اللى بعد خمسين سنة من دلوقتي هتجيب صور مهرجان الجونة لكى توضح للاجيال الموجودة وقتها كيف كانت مصر واحة علمانية عام 2021.
الحقيقة يا جماعة إحنا لبسنا اكتر من السعودية نفسها عشان الوبا والفيروس مش جاى من برا زي ما حضرتك فاكر الموضوع من جوانا ومن سنين ومن قبل الإخوان.
بالعكس ، تمكين الوهابية فى الجزيرة العربية لم يحدث إلا على يد إخوان مصر لما سافروا إلى السعودية فى الخمسينات ، غير كدا كانت الوهابية فكر الأسرة الحاكمة ولكن مش منتشرة فى المجتمع السعودي والكويتي والبحريني على سبيل المثال ..
دور سيد قطب وايمن الظواهري فى مؤامرة الإسلام السياسي اكبر من اى إرهابي تاني .. أسامة بن لادن كان مجرد ممول وضابط إتصال .. بينما الجهاديين المصريين قبل اى طرف تاني كانوا القاعدة الحقيقية.
محتاجين تفهموا ان التطرف فى المجتمع المصري كان موجود سنين وسنين بس كان مستخبي لحد نهاية الحرب العالمية الأولى وسقوط الدولة العثمانية اللى كانت رائدة التطرف والتخلف حول العالم ، لما المعلم الكبير مشى ومات ظهر صبيانه فى العالم الإسلامي ، تطرف سني وشيعي وصوفي هنا وهناك كما رصدته مراراً وتكراراً فى مقالات سابقة.
الخلاصة ، لازم عشان نعالج أزمة ما صح نشخص المرض صح ويبقا عندنا الشجاعة للقول ان التطرف كان جزء من ثقافة المجتمع ده من اكتر من مئة سنة ، بدأ تحديداً فى سنوات الغزو العثماني ، وان التطرف الديني له أرضية فى المجتمع المصري اكتر من اى مجتمع تاني سنين وسنين ، وان الموضوع محتاج مشروع ثقافي كامل متكامل وبرعاية الدولة ، شغل الأفراد والجهود الذاتية عمره ما هيعمل اختراق لأنك قدام مشروع اجهزة بقاله 300 سنة من اول ما بريطانيا صنعت الإسلام السياسي الموالي للغرب فى الهند ونقلته للجزيرة العربية ثم مصر ثم أصبح اكبر جماعة وظيفية إرهابية فى التاريخ الحديث.
